Kum 100 ral kai Pi Buangi hlutpuina hun hmang

Aizawl | March 25, 2022: Mizo damlai zinga upa ber ni a hriat, kum 100 ral kai Pi Buangi hlutpuina hun a tunu Pi Jackie Ramdinsangi W/o Pu J.C Ramthanga I.A.S (Additional Chief Secretary to the Chief Minister) te in, Zarkawtah vawiin chawhnu khan hman a ni a. Pi Buangi duhsaktute an kalkhawm. He hunah hian amah ngaihlututen a chanchin an sawi hlawm a ni.


Pi Buangi hi a laiah hming chu Lalneihsangi a ni a; an kohna Pi Buangi tih chu a pu hlen ta zawk a ni. Pu Chhunga CSM fanu Pi Buangi hi Aizawl Venghnuai chhuak niin; tunah Manipur Churachandpur (Lamka) ah kum 106 mi niin hlim takin a tu leh fate nen an la khawsa a ni. Rev. Sena nen inneiin; a pasal hian vankohna a chhansan tawh a ni.


The Salvation Army ah mi hmasa an ni a, Corps Cadet training hmasa ber batch ah telin; Lt. Col. Kawlkhuma'n officer tura a thlan ngat a ni. Officer-a a tan hnu hian Kolkata ah social rehabilitation center ah a thawk a. Mizo zinga social rehabilitation center a thawk hmasa ber a ni. Pi Buangi hi tunhnaia Generation Alpha leh Heritage in 'Women of Substance Award 2022' an hlan zingah khan a tel a ni.



Post a Comment

0 Comments