Kristian Thalaite leh $ex Hmansual

- K. Remruatfela

KTP leh Kohhran thalai tin te hian biak in hawng ngeia nupui pasal nei turin kan member te kan infuih châmchi thin a. Virgin ngeia nupui/pasal nei turin rilru kan sên theuh hi a pawimawh tak zet a ni. Lang chhuak lova lo dâi sual palh tawh kan awm a nih pawhin tuna chinah tal chuan inserh thianghlim tlat tawh tura Pathian ralthuam famkima kan inthuam hi a pawimawh tak zet a ni.

Thil lungchhiatthlak em em ka tih chu kan thalaipuite zinga pre-marital $ex pawisakna lo lian chho ta lutuk hi a ni. Inngaizawng inkarah $ex hian bu a khuar ngheh tawh em avangin a lang chhuakte hi an fakawm letling zawk a ni tih hial theih a lo ni ta te hi kawng lehlama ngaihtuah chuan a lungchhiatthlak hle. Kan Pathian lehkhabu thu ngun taka kan chhiar chuan Pathianin a huat ber ni-a lang chu a hun lova $ex hman, $ex hman khawloh hi a ni kan ti thei ang. He thil hi issue serious tak, kan thlarau nun tan mai ni lo, kan dam lai la laa keimahni leh chhungkua min vaw lêt thei thil, nghawng tha lo tak min hnutchhiat thei thil a nih avangin ka thalaipuite kan in enlêt a tul tak zet! A pawi zia hi kan ngaihtuah chiang lo mai mai thin a ni.

Kan hnain a ken tel avang hian ni tin tih theih deuh thaw nupa inkâr buaina nen hian mi lo pan ve deuh reng thin a. Chûng min lo pan thin tu te chu chik takin an chanchin te ka lo zâwt thin a. Chhanna ka dawn tam ber chu a hun lova $ex hmansualna rahchhuah, chu chuan chhungkua thlenga nghawng tha lo a hrin chhuah, a tawpa lo puak chhuak ta a ni châwk thin a. Siam tha leh tur chuan a tlai zo thin si a, 'a pawi a ni' tih mai loh chu sawi tur dang a awm lo thin!

Chuvang chuan, keini kristian thalaite hi chuan nupui pasal kan neih hma chu $ex hi insûm hram hram tum ila, kan lo dai sual palh tawh a nih pawhin i ti nawn tawh lo hram ang u. A tuar tu tur chu keimahni tho kan la ni dawn si a. Pathian nen chuan engmah tih theih loh hi a awm lo!

1 Comments

He post chungchanga i ngaihdan lo sawi ve rawh:

  1. adik ani..sex hman khawloh na hian kan mizo nun ngei pawh a tichhe mek ani..

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post