Ticker

10/recent/ticker-posts

COVID-19 | Sawrkarin inkaihhruaina tidanglam

# Sikul leh Hostel zawng zawng April 5 aṭangin hawn phal!
# College- Final Semester zirlaite tan class leh Hostel te hawn phal; Semester dang chu Academic Session thar July, 2022 aṭangin offline class hawn phal


Aizawl | March 16, 2022: Mizoram Sawrkar-in    COVID-19 inkaihhruaina Order No.B. 13021/ 101/2020-DMR/V01-V1 dated 18.02.2022 leh 02.03.2022, hmanga a chhuah tawh chu State Disaster Management Authority (SMDA) in thutlukna a siam angin, a hnuaia tarlan ang hian thu leh awm hma atana hman nghal turin tih danglam a ni.



AMC AREA CHHUNGA INKAIHHRUAINA
Zirna In
1) School leh hostel te chu academic session thar, ni 5 April, 2022 atangin hawn phal a ni ang.
2) School leh Hostel chhunga hman tur Standard Operating        Procedure       (SOP), School Department-in a chhuah chu tha taka zawm tur a ni a. Zirtirtute, hnathawk dangte leh zirlaiten vaccine an lak vek theih nan hma a la ang.

Higher & Technical Institutes
1) Final Semester zirlaite tan class leh Hostel te hawn phal a ni.
2) Semester dang te chu Higher & Technical Education Department ruahmanna in CAB uluk taka zawm chungin, Academic Session July, 2022 a tan tur atangin offline class a hawn phal a ni ang.
3) Department of HAMP, MZU hnuaia Ph.D. course work chu class hawn phalsak a ni.
4) Hemi atana hman tur SOP chu Higher & Technical Education Department-in a ruahman ang a. Zirtirtute, hnathawk dangte leh zirlaiten vaccine an lak vek theih nan hma a la ang.

Sakhaw Biak In leh
Inkhawm
1) Kohhran Inkhawm pangngai chu chhun leh zanah neih phal a ni a, zing leh tlai tawngtai inkhawm pawh hal a ni.
2) Chhun leh zanah inkhawmpui neih phal a ni.
3) CAB uluk taka zawm tur a ni a. Kohhran leh LLTF/VLTF ten CAB/ SOP Implementation Committee an din ang.
4) Deputy Commissioner te thurawn ngaichang chungin, Kohhran te chu an veng/khua theuh va Covid-19 hrileng dinhmun ngun taka thlithlai reng turin beisei an ni.
5) Inkhawmna leh Inkhawmpuiah te hian ruai buatsaih lo tura beisei an ni.

 
AMC AREA PAWN INKAIHHRUAINA
Zirna In leh Higher & Technical Institutes hawn chungchang 
Zirna In:
a) School leh hostel te chu academic session thar, ni 5 April, 2022 atangin hawn phal a ni ang.
b) School leh Hostel chhunga hman tur Standard Operating Procedure (SOP), School Department-in a chhuah chu tha taka zawm tur a ni a. Zirtirtute, hnathawh dangte leh zirlaiten vaccine an lak vek theih nan hma a la ang. School leh Hostel chhunga hman tur Standard Operating Procedure (SOP), Health & Family Welfare Department-in a pawmpui, School Department-in a chhuah chu tha taka zawm tur a ni a. Zirtirtute, hnathawh dangte leh zirlaiten vaccine an lak vek theih nan hma a la ang.

Higher & Technical Institutes:
a) Final Semester zirlaite tan angin class leh Hostel te hawn phal a ni.
b) Semester dang te chu Higher & Technical Education Department ruahmanna in CAB uluk taka zawm chungin, Academic Session July, 2022 a tan tur atangin offline class a hawn phal a ni ang.
c) Department of HAMP, MZU hnuaia Ph.D. course work chu class hawn phalsak a ni.
d) Hemi atana hman tur SOP chu Higher & Technical Education Department-in a ruahman ang a, zirlai leh zirtirtu/hnathawk dangte chu COVID-19 vaccine full dose la vek turin hma a la bawk ang.

Sakhaw Biak In leh Inkhawm:
1) Biak Inah Kohhran Inkhawm chu chhun leh zanah neih phal a ni a, zing leh tlai tawngtai inkhawm pawh phal a ni.
2) Chhun leh zanah inkhawmpui neih phal a ni.
3) CAB chu uluk taka zawm tur a ni a. Kohhran leh LLTF ten CAB/ SOP Implementation Committee an din ang.
4) Deputy Commissioner te thurawn ngaichang chungin, Kohhran te chu an veng/khua theuh va Covid-19 hrileng dinhmun ngun taka thlithlai reng turin beisei an ni.
5) Inkhawmna leh Inkhawmpuiah te hian ruai buatsaih lo tura beisei an ni.

MIZORAM PUMA HMAN TUR INKHUAHKHIRHNA DANGTE 
Bungraw Chawkluh Leh State chhunga Thiar Chungchang:
State pawn atanga bungraw lakluh nan phalna hranpa lak ngai lovin lakluh theih a ni ang.

He thupek hi State Disaster Management Authority (SDMA) meeting dt. 15.03.2022 thutlukna siam anga chhuah a ni.
Post i hmuh dan

Post a Comment

0 Comments