Photographer: ZK Photography
Awmawmi Chhakchhuak tia hriat hlawh C Lalawmpuii hi Lalhunchhungi leh C Rodingliana te fanu niin, July 6 2002 khan a piang.
Awmawmi Chhakchhuak te hi Tuivamit, Aizawl-a cheng leh khawsa niin, Kohhran lamah chuan The Salvation Army-ah an lawi.
Awmawmi Chhakchhuak te hi Unau hmeichhia pahnih an ni a. Nula hmelṭha leh duhawm Awmawmi hi ft 5'5 a sang a ni.
Zirna lamah chuan pawl sawm hi Chawlhhmun High School atangin First Division-ah a pass a, Pawl 12 hi Helen Lowry School atangin 2019 khan a pass a, tunah hian Govt Johnson College-ah B.A (Economics) 6th Semester a zir mek a ni.
I duhzawng leh ngainat zawng hrang hrangte?
Lehkhabu duh: Bible
Actor/Actress: Angelina Jolie
Zaithiam: Celine Dion
Chawhmeh: Dal, Alu
Hla: Hillsong
Hmun: Tlang
Rawng: Blue
Ziaktu: KC Lalvunga
Mize ngainat zawng: Mi care thiam tak, midangte ngaipawimawh thiam, chapo lo, fiamthu duh, tawng tlem.
Mize ngainat loh zawng: Chapo, mi dangte en hniam ching.
Kawppui tura duhzawng?
- Min care thiam em em tu, Pathian tih tak, ruihtheihthil khawihlo, min support thiam em em tu.
Relationship status: Single
Aim in life: Professor
Govt Johnson College Miss 2022 thlanna a tel chhan?
- Ka ko a tla mawhphurhna hlen turin
Govt Johnson College Miss 2022 nih hi i inring reng em?
- Ring hranlo
Govt Johnson College Miss 2022 in I nuna nghawng a neih?
- Ka la tawn ngai loh a ni a, a hlimawm in ka nun a tha lamin a kaihruai a, ka nun a tha lamin nasa takin a nghawng a ni.
Modelling lam hi i tui reng em?
- Tui ve e.
Zawhna dang:::
1. A tel lova i awm theih loh: Smart phone
2. I nun kaihruaitu: Bible, ka chhungte leh rual u zawkte min zilhna
3. Hringnuna i hlauh ber: Ruihhlo bawia tana ,nun beidawng tak neih
4. I tih ngai miah loh tur: Ruihtheihthil
5. Mizo Tualzal nuna ṭha i tih: Tlawmngaihna
6. Quote i duh ber: The purpose of our lives is to be happy
7. Mizoram leh Mizo tualzal nuna Mizo hmeichhiate dinhmun:
- Hmanlai kan pipu te ngaihtuah chuan tunlaiah chuan hmeichhia te kan dinhmun a tha tawh le niin ka hria.
8. Hnam hmingṭhat leh hmingchhiat kawngah Hmeichhiate'n mawhphurhna:
- Khawi hmunah pawh kal ila, entawn tlak leh zahawm taka kan awm chuan hmeichhia te hian kan hnam hming kan titha in kan tichhe thei a ni.
9. Hnam ziarang chawinun kawnga Hmeichhiate mawhphurna:
- Kan tu leh fa te hnenah kan hnam zia chawinun zel a pawimawh zia kan hrilh fo chuan an mahni ah chi angin alo intuh ang a, an lo chhawmnung ve zel dawn a ni, chutiang hrilh chu hmeichhia te mawhphurhna lian tak niin ka hria
10. Mizote tan 'Fa neih tlem' inzirtir hi a ṭulin i hria em?
-Family planning tha tak a awm chuan tul ka ti lem lo.
11. Mizo hnam ṭhanmawh bawk nia i hriat?
- Kan neihphu loh a kan fashion sangte, zirna kan ngaipawimawh tawk lo leh kuthnathawh kan hreh vang niin ka hria.
12. Mizo hnam damna atana kawng awm nia i hriatte?
- Hnam inpumkhatna, tlawmngaihna chhawmnun zel.
13. Hnam chhan nana Hmeichhiate ṭangkaina leh mawhphurna?
- Hnam dang mi pasal a neih loh.
14. Zirna, Khawtlang leh Kohhran hi?
- Khawtlang leh kohhran hi a pawimawh em em rualin, zirlai kan nih chuan lehkha zir hi kan duty a ni a, chuvang chuan inhman thulh chuang lo in, zirna pawh ngaihpawimawh a tha.
15. Khawtlang, Kohhran leh nangmah:
- Khawtlang thil ah hichuan ka la inhmang lutuk lo na in ,min mamawh a min koh hunah erawh ka tlanchhiatsan ngai lo a, kohhranah pawh theihtawpin ka inhmang bawk a ni.
16. Social Media leh Nangmah:
- Social media hian thil tam tak min hrilh hria a, keimah ah chuan a tha lam vek niin ka hria.
17. Mizoram ṭhalai tam tak tlakchham:
- Insumtheihna, aia upa zah leh tlawmngaihna hi kan tlachham em em tawh a ni.
18. Mizo ṭhalaite hian ngaihsan tur dik an ngaisangin i hria em?
- Ngaihsan tur diktak ngaisang ni ila chuan kan zoram hi ti em em hian a thanmawh ka ring lo, chuvang chuan ngaihsan tur dik tak hi kan la ngaisang lo deuh niin ka hria.
19. Ngaihsan tur dik nia i hriat:
- Mahni thuthiama ding nghet mi, thawhhreh nei lo, ram leh hnam vei em em mi, a nuna Pathian ropuina langchhuak thei khawpa mi tha.
20. Hlawhtlinna tura pawimawh: Thawhrimna leh tumruhna.
21. hloh i hlauh ber: Ka mi hmangaihte(Chhungte,thian,etc,)
22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- Aw ring e. Thleng thei tur chuan hnam tanrual hi a pawimawh em em a, kan aia upa zawk te kan zahthiam tur a ni a, rual u zawkte min zilhna ngaithla in kan zawm tur a ni a, diklo te hnuchhawn ngam a, a dik lam kawngzawh ngam, tanpui ngai an awm a tlanchhiatsan mai lo a kan puih chuan kan hnam hi a inpumkhat thei dawn a ni.
23. Hnam dang nupui pasal neih hi:
- Hnam phatsanna lian takah ka ngai. Sum duh vang ringawtte leh lar duh vangte in an nei a, hei hi pawi ka ti takzet a ni.
24. Nupui pasal neih hmaa mipat hmeichhiatna hman hi:
- Inneih hnu ah rinawmlohna te, inthenna te leh nupa kar thatlohna te a thlen mai bakah, Pathian thil huat tak a ni.
 |
| Govt Johnson College Miss & Mister 2022 |
EXPLOREMIZORAM.COM i hmuh dan:
- EXPLOREMIZORAM.COM hi Mizoram mawi tak mai phochhuak tu niin ka hria a,a chhunga chengte ropuina pholangtu, Mizo mipuite hnamdang aia kan tet bik loh zia te pholangtu niin ka hria a, an thawmrimna te a fakawmin an thawk tha takzet a ni. Explore Mizoram vul zel rawh se. Ka lawm e.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: