FEATURE | Govt. Aizawl North College Miss 2022 Tluangtluangi

Government Aizawl North College Miss 2022 Tluangtluangi i lo belchiang ang.


Tluangtluangi tia koh Lalnuntluangi hi Lalrinawmi leh S Lalrinawma te fanu niin, November 24, 2000 khan a piang a. Presbyterian Kohhran-a lawi niin, Chawlhhmun, Aizawl-ah chengin an khawsa a ni.

Tluangtluangi te hi Unau pali (hmeichhia 3 leh mipa 1) niin, a upa ber dawttu a ni.

Tluangtluangi hi Ft 5'3 a sang a ni.



Zirna lamah Tluangtluangi hi Pawl 10 hi SYNOD HIGHER SECONDARY SCHOOL , MISSION VENGTHLANG ah 2018 khan a pass a,  Pawl 12 hi HELEN LOWRY HIGHER SECONDARY SCHOOL SEVENTH DAY TLANG ah 2020 khan a pass leh a. Tunah hian GOVERNMENT AIZAWL NORTH COLLEGE ah 4th semester History core in a  zir mek a ni.

Hobby: Hunawla Taekwondo zir.


I duhzawng leh ngainat zawng hrang hrangte?
Lehkhabu duh: Kawlkil piah lamtluang 
Actor: Adama leh Papuia 
Actress: Sangtei Renza 
Zaithiam: Maruati Hnamte
Chawhmeh: Kaikuang 
Hla: Rimawi ropui ber
Hmun: Reh leh thawveng 
Rawng: A pawl 
Ziaktu: C Lalnunchanga


Mize ngainat zawng: Rilru thianghlim leh kawm nuam 

Mize ngainat loh zawng: Dawt sawi hreh lo mi leh buaina siam ching.

Kawppui tura duhzawng: Rinawm, fel leh zaidam.

Relationship status: Single 

Aim in life: Taekwondo instructor


Government Aizawl North College Miss 2022 a tel chhan: 
- Ka ko a mawhphurh na an dah ti hlawhtling turin. 

Government Aizawl North College Miss 2022 nih hi i inbeisei reng em?
- Government Aizawl North College Miss 2022 nih hi ka inbeisei lo a, mahse, ni thei tur chuan ka theihtawp ka chhuak ve a ni.

Government Aizawl North College Miss 2022 in i nuna nghawng a neih?
- Government Aizawl North College Miss 2022 hian ka nunah mahni inrintawkna nasa a tuh mai bakah zirna leh kawng engkim ah a tha ber ni tura min fuih tu ani 

Modelling lam hi i tui reng em?
- Modelling lam hi ka ti ngai lo a, mahse, tih chhin erawh a phurawm viau mai.


Zawhna dang:::
1. A tel lova i awm theih loh:
- Tui thianghlim leh boruak thianghlim 

2. I nun kaihruaitu:
Lei Pathian hmuh theih ka nu leh pa thuawih 

3. Hringnuna i hlauh ber:
- Pathian pawisawi 

4. I tih ngai miah loh tur:
- Ruihtheih thila inhnamhnawih.

5. Mizo Tualzal nuna ṭha i tih:
- Aia upa zahna leh ngilneihna.


6.  Quote i duh ber:
- Mi tichaktuah chuan engkim ka ti thei a ni.
Phillipi Bung 4:3 

7. Zirna, Khawtlang leh Kohhran hi?

8. Khawtlang, Kohhran leh nangmah:
- Khawtlang leh kohhran a ka theihtawk a ka in hman vena hian ka zirlai a ti buai ngai lo a, hun awl ka neih phawt chuan ka tlin ang tawk tawka tel vek ka tum thin. Kohhran hi sikul tha ber a ni.

9. Social Media leh Nangmah:
- Social Media hi ka hmang tangkai em em a kan tun dinhmun ah tak phei hi chuan engkim online class te kan neih vek avangin han Google mai te hi a remchang ka ti em em a ni. A hmang tu a zirin a chhe lam leh tha lam hi chu mahni a zir ka ti lo thei lo. 

10. Mizoram ṭhalai tam tak tlakchham:
- Mizo thalai tam takin kan tlakchham ni a ka hriat chu eng anga sang pawh nei ila thawh hreh i nei lo ang u, thlan laih na ah te leh mitthi thingpui lum ah pawh kan tlem sawt riau thin, thalaite tihtur hi i hai lo ang u. 

11. Mizo ṭhalaite hian ngaihsan tur dik an ngaisangin i hria em?
- Ngaihsan lamah hi chuan mizo thalaite hi kan ngaihsan a inang lo hlawm khawp mai a mahse an changkanna te leh an inchei dan mai bakah hian an faina te hi entawn thei vek ila chu ngaihsan tur dik kan ngaisang kan ti thei ang.

12. Ngaihsan tur dik nia i hriat:
- Ngaihsan tur dik ni a ka hriat chu dikna au chhuahpuitute leh mi tlawmngai leh huaisen te bakah faina ngaihpawimawh mi.


13. Hlawhtlinna tura pawimawh:
- Hlawhtling tur chuan tumruh leh dawhtheih piah lamah ngah peih hram hram na nun neih a ngai.

14. Hloh i hlauh ber:
- Hloh ka hlauh ber chu ka hmangaih em em ka chhungte leh thiante. 

15. Hnam dang nupui pasal neih hi:
Hnam dang nupui pasal a inneih hi tha ka ti lo a, a nazawng ina kan han neih thlak nazen chuan hnam ti boral theitu a ni ve tlat.

16. Nupui pasal neih hmaa mipat hmeichhiatna hman hi:
- Nupui pasal neih hmaa mipat hmeichhiat hman hi Pathian pawisawina lian tham ber pawl a ni.


EXPLOREMIZORAM.COM i hmuh dan: 
EXPLOREMIZORAM.COM hi in hmalakna tha ka tiin college level-ah pawh heti tak mai a Mizoram chhung college awm te min dah pawimawh hi tha ka ti.










Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. Miss GANC 2022 nih hi a phu hliah hliah, a hmel hmuh a nuam bawk si

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post