Ui pul hriin Vathuampui-ah ui a suat mek!

- Herbert Ramengmawia

Vathuampui | Feb 14, 2022: Tûn lai hian Vaṭhuampui-ah Ui (Dog) Púl hri a léng nasa hle mai a, tûn dinhmunah Ui 60 vél a thi tawh nia hriat a ni. Kum tin mai hian Vawk, Ui, Ar, púl hrî hi a léng ṭhîn a, Ran vulhtute an khawngaihthlâk awm tak zet ṭhîn a ni.

Tûn dinhmunah Vaṭhuampui-ah hian Vety Quarters kan nei a, mahse, Quarter kan neih aṭangin vawiin thleng hian thawhktu hmél hmuh tùr an awm lo!

Kum tin Ui hri leh Ar pulhri a leng thin hian abikin Thingtlang lama Ranvulh harsatna min thlentu ber a ni. Ni zanah kan Ui Pathum ngawt min thihsan phei chu a rilru natthlak khawp mai. Nikumah kan Ar vulh 50 chuang a thi leh a, Thingtlangah chuan damdawi lei mai tur a awm bawk lo nen a buaithlak duh khawp mai.

Kan kohhran lama thawktu Nurse te a damdawi ka zawhin an lo kawl ve bawk silo nen, Vathuampui Vety dispensary office atangin Ran damdawi natchhawkna Mumkhat chu sawi loh vawiin ni thlengin thawktu hmel hmuh tur pawh kan nei lo hi eng nge awmzia ni? Office enkawltu kan nei lo hrim hrim zawk nge!? Kan sawrkar chak tak hian khawngaihin hma minlak sak thei se tih hi Vathuampui leh a chhehvel khua Ranvulhtu mipuite mamawh ber ani tih min hriatsak turin ka duh takzet a ni.

Khawngaih takin heti lama thuneitu ten a rang lama hmalàk dàn min ngaihtuahpui theih chuan a làwmawm hle ang.