COVID19 | Mizoram-ah omicron kai mi 62 hmuchhuak

Aizawl | Feb 14, 2022: Official spokesperson on COVID19 Dr Pachuau Lalmalsawma'n Mizoramah COVID19 chi thar Omicron variant kai mi 62 hmuhchhuah an nih thu a sawi.




Covid19 hri thar a nih leh nih loh finfiah tura NIBMG, Kolkata-a sample thawn zinga 62 chu Omicron an ni tih finfiah a nih thu vawiin (14.2.2022) khan Health dept chuan a dawng. Mizoram atanga sample thawnte hi test mek zel a la ni

Mizoram atanga sample thawn 122 endik atangin sample 62-ah Omicron kai hi hmuh a ni a, sample endik tur hi thawn belh leh mek a ni.

 Official Spokesperson on COVID-19 Dr Pachuau Lalmalsawma, State Nodal Officer, IDSP, chuan Mizoramah OMICRON hrik a awm tih finfiah a ni a ti a, vawiin chawhnu lam khan COVID-19 hrikaite sample ah hrik thar aawm leh awmloh hriatna (Genome Sequencing) atana Mizoram atanga sample an thawnthawhkhatna (1st Batch) leh thawhhnihna (2nd Batch) atangin result 122 an dawng tih a sawi.
 Dr Pachuau Lalmalsawma chuan heng zingah hian Aizawl district atanga sample thawn zingah Omicron Variant 62 hmuhchhuah thar an ni a ti a. District dang Khawzawl, Kolasib, Saitual leh Serchhipatanga sample an thawn zingah erawh Omicron variant hmuh a ni lo thung tih a sawi. Sample an thawn zawng zawng atang hian Omicron - 62, Delta – 12  leh Others (Delta Sub variant) - 18 hmuhchhuah a nihthu a sawi bawk.

Post a Comment

0 Comments