Rawmi te kha lo kuive ta mai mai ila a tha tur!

Nikum ah te khan Covid phura buai buai lo khan Chalhfilh tlangah Rawmi chi lo han lak a; Kui tiahve teuh nachang te lo hria  ila, kan chhungkua hi ti em em hian kan buailo tur.

Ka hun tha zawng zawng kha, Phai atanga lo haw leh Vairengte a Covid Positive phurh nan ka hmang a, Diesel man leh Motor maintenance ah pawisa kan neiha ang ang a kal zova, mahse 'kan hlawh chhuak ve dawn alawm, tih leh hun harsa a ram rawng kan bawl ve theihna anih hi' tiin phur tak leh thahnemngaiin kan thawk a, mahni nupui fanau bulah pawh  mut ngamloh chang te kha a tam sia..... Chu mai chu ala nilo Vaireng te atanga R. Dengthuama Hall a dah tur nu pakhat ka phurh chhoh te kha, a chhungte Contact tur an hriatloh vang mai mai khan Motor atang chhuk an han phallova zankhuaiin Vaihmite leh Thosi karah min han riah tir ringawt a! A chhuk phallotu Magistrate ber lah kha alo haw daih a, a hnu Tlai dar 2 velah Magistrate dangin a rawn thlaka " Chhuk tir rawh u" a ti sam et bawk sia! Ka Motor lah kha Fire Service Mualpui a Duty te khan anla kapfai  duh ve lo lehnghal a! Magistrate Duty thar khan a hrawk hrep hnuah an han phuh ve leh nelnual a, lunghnur ve chang kha ka ngah thin mange aw, kal kawng tluanin khawi thingpui dawrah mah ka chawlh an phal ngilova, Kuhva leina tur takngial pawh kan hre ngailo Zu zuar chiahin min welcome 😁 

 

Vairengte Screening Point atangin min rawn Call a "Phurh tur an awm leh tawh" an rawn tia hmanhmawh em emin kan tlan thla kan han thlenga anlo tlanbo leh hman a! Positive tlanbo tur kha hmu reng mahse Duty te khan man ngam bik nghallo 😜 kan zuk hawihai vel mai mai changlah kha atam Nawmsam vakloh chang pawh khan Motor kha mi dang khalh tir chi ni nghallo, beihhram nun kha neih angai fo mai. 

Chuti chuan Covid zualpui alo reh a, Sawrkar nen kan inremna angin Bill chu Dt. 28th.Sept.2020 khan Bill kan han thehlut ve a,  nitin thla tin kar tin hian kan Bill kanlak ve tawh hi kan ring reng a, Nupui fanau te nen beiseina nung neiin kan thlir a. Ni aral a, kar a ral a, Kum hial a vei a! Asembly House ah hial MLA thahnem ngai ten min auchhuah pui a, Kan ram rorelna in sang berah kan CM mite rin hlawh em em mai chuan "Kan pe vek ang" atih lai LIVE ngei maia han thlir te kha a nuam a, kan nupui fanau te beidawng tawh hmel alo eng thar leh a, Chhungkuain Kut kan benga Ka nupui te kha " Ka pa" ti a pawm nawlh mai tak kha ka nap a! kan hlim ani. Nitin mai hian Bill kanla thei ve tawh dawn e kan tia. 'Covid Bill tang ho' whatsapp Groupah te chuan Nui lem hlir nui lem hlir hi a in tlar a, Pu Zoramthanga'n " Kan pe vek ang" a tih lai Video Clip te kan post a Kut Zungpui kanti pir sup sup a, a thenin "Kan Diesel man ba kan rul dawn e" kan tia, a thenin " Dawr ba ka tlak thei dawn e kan ti bawk. kanva hlim tak em..... kan thawhrimna leh kan lungngaihna te kan theih nghilh a, kan hlim ani. Assemly Session an han zo a kan han ngaichang a a ngaite bawkin ni kan chhiar a, CM berin "kan pe vek ang" ati miau a kan beichu a dawng tawhlo.

Chuti chuan hun alo kal a Rawmi tiak Tender alo chhuak a miten an chhang a, a rate ah te an inthurual thap a! a chhang zawngin an hmu vek a kan lawmpui em emlai a, kan chunga thil lo thleng ve chu a mak asin! Health Department atanga lehkha Lo kal; No.D.26017/9/2020-HFW(MSC)/ Part2: Dt.10 Dated Aizawl, the 10th May,2021  kan DC in a dawnah chuan Finance Department in kan Bill a reject a siam tha leh tur a a hriattirna ani ta daih anih chu!

Aw..... Rawmi te kha lo kuive ta mai mai ila a tha tur......😭

- Marema Ralte