Ticker

10/recent/ticker-posts

MSSC LEH REC TEN MOTOSPORTS RACING TRACT ATAN THAWH HONA ZIAK

Aizawl, 16th February, 2022 : Vawiin khan Lengpui bula Motosports Racing Tract & Sports Complex siam nan Mizoram State Sports Council(MSSC) leh Rural Electrification Corporation (REC) chuan thawh hona tur inremna(Agreement) an ziak a.  He Motosports Racing Tract & Sports Complex hi Rs 1000 lakh-a siam tur a ni a. REC hian an CSR Fund atangin Rs 750 lakh an sanction a, a bak Rs 250 lakh hi Mizoram Sorkarin a tum ve tur a ni.




 Hun hmanpuitu Sports Minister Pu Robert Romawia Royte chuan REC-in India leh NE thalaite mamawh hriaa Mizoram sawrkar rawtna a pawm hi a lawmawm tak zet a, a hnathawh hi MSSC mawhphurhna a nih angin tan thuai a ni ang, a ti a.

Agreement hi REC Foundation CEO  SN Srinavas Rao leh Mizoram aiawhin Pu John Tanpuia, Secretary, MSSC ten an sign a ni.

He Racing Tract hi India hmarchhak bial leh Eastern India-a a hmasa ber tur a ni.

- DIPR
Post i hmuh dan

Post a Comment

0 Comments