Mizoram Lokayukta in Governor hnenah Second Annual Report 2020 – 21 thehlut

Aizawl | Feb 21, 2022: Mizoram Lokayukta Act, 2014 chhunga section 47 in a phut angin vawiin chawhma khan Pu C.Lalsawta, Chairperson, Mizoram Lokayukta chuan Governor Hari Babu Kambhampati hnenah Second Annual Report of the Mizoram Lokayukta a hlan a. He Annual Report hian 1st April 2020 leh 31st March, 2021 inkar a huam a. Hun remchang hmasa berah Second Annual Report of the Mizoram Lokayukta hi Mizoram Legislative Assembly-ah pharh a ni dawn a ni.


Pu C.Lalsawta, Chairperson, Mizoram Lokayukta chuan Second Annual Report of the Mizoram Lokayukta Governor Hari Babu Kambhampati a hlanna hunah hian Mizoram Lokayukta dinhmun leh hmalakna tlangpui a tarlang a. Tunah hian Mizoram Lokayukta a hnathawktu tlem te chiah an la awm thu leh thawktu lakbelh thuai mamawh a nih thu te a sawi a. Chak zawka hnathawk thei turin Enquiry/ Investigation Wing leh Prosecution Wing te din thuai a tul tih a sawi bawk a ni.

Mizoram Lokayukta chinfel turin Dt 15.02.2022 thleng khan case 39 ziahluh a ni tawh a. Heng zinga case 3 chu Preliminary Enquiry (PE) neih hmaa chinfel a ni a. Case 36 ziahluh takah case 20 atan PE thehluh a ni tawh a, Case 16 atan PE thehluh a la ni lo a ni. Tunah hian case 11 chinfel a ni tawh a, case 10 atan Preliminary Hearing(PH) kohna pekchhuah a ni tawh a. PH neih zawh hnuah case 2 chu hnawl a ni a; case 7 chu chiang zawka chhui tura tih a ni.

Post a Comment

0 Comments