Mi tam tak lunglentu India Superhero 'Shaktimaan' a lo let leh dawn!

Aizawl | Feb 11, 2022: Kum 1997 leh 2000 chho vela Mizo naupang leh thalaite pawhin an lo tuipui, Chawhma inkhawm banah mi inah kal khawma an lo en luih luih thin - India Superhero kan hriat lar em em thin Shaktimaan chu Film a en theih turin siam thar leh tur a buatsaih mek a ni.


Sony Pictures International chuan he India Superhero lar tak Shaktimaan hi a flim in a siam dawn. Mukesh Khanna chhana thin he Shaktimaan hi Serial anga Tv a lo pek chhuah thin tawh a ni.

Nilaithawhtan tlai ah khan Sony Pictures India te chuan an Twitter account ah “Kan superhero film tam tak ten India ram mai bakah khawvel huapin hlawhtlinna an lo chang tawh a, tunah chuan kan India Superhero hun a ni ve tawh” tih thuchhuah siamin chu an post ah chuan Shaktimaan teaser pho lang telin a video chhung a thuziakah chuan “Mihringte zingah thim leh sualna in hmun a rawn khuar belh zel takah chuan a lo let a hun tawh ani” tih thu an rawn tarlang bawk. Hei mai bakah hian an thu pho chhuah dang leh ah chuan “Brewing Thoughts Private Limited leh Mukesh Khanna Bheeshm International te nen kan thawk ho thei hi lawmawm kan ti. Shaktimaan film tan lo in buatsaih ula, reilo te ah a lo chhuak ang” tih an tar lang tel bawk.

He Shaktimaan film hi a chhuah hun tur tak leh a changtu tur sawi chiah a la ni lo thung. Flim analyst Taran Adarsh chuan he flim ah hian India ram a mi lar takin changtupa lem a rawn chang dawn tih thu a sawi. Taran hian a Instagram post lamah pawh he film hi series 3 in siam a ni dawn tih a sawi tel bawk. Shaktimaan hi Kum 1997 atang khan Doordarshan ah a in dawt dan a pek chhuah thin a ni. Mukesh Khanna chu changtupa niin ani bakah hian Kitu Gidwani, Vaishnavi, Surendra Pal leh Tom Alter te pawh kan hmu tel thin bawk.

He show hi show hlawhtling tak niin episode 450 lai kum 8 chhung a tih chhuah a ni. Shaktimaan hi mihring phak bak a thil tih theihna nei niin, a thil tih theihna hmangin sual na a do thin a ni.

He Shaktimaan lem hi 80s chawhma lam khan Mukesh Khanna hian a duang chhuakin kum 1997 khan Screen Magazine in an kawm naah “ India hmasang thawnthu kan chhui hian mi chak tak tak hmuh tur tam tak an awm a mahse mirhing bak a thil tih theihna nei kan hmu ngai lo. Kan hmuh zawng chu khawvel pawn lam alien zing ami Superman leh Spiderman tih te chauh hi an nih avangin India Superhero Shaktimaan, sakhuana atang a lo piang chhuak, thil siam zawng zawng te zing a thil ti thei ka siam ani” tiin a sawi a ni.

Kum 2020 khan he India film star hian Shaktimaan hi series 3 a siam a nih dawn thu leh India Superhero film dang Ra.One leh Krrish ai pawn a hlawlhtlin zawk a rin thu a lo sawi tawh bawk.



Post a Comment

0 Comments