Ticker

10/recent/ticker-posts

Khawzawl leh Ngaizawl kawng siamtute buk mipuiin suasam

Hun rei tak hnuah kawng siam thei lo hi mipuiin an dem hle!



Aizawl | Feb 21, 2022:  Khawzawl leh Ngaizawl inkar a Romuanpuii zadeng hnathawkte buk chu vawiin khan mipuiin an suasam.

Khawzawl leh Ngaizawl inkar kawng siam tur, hun rei tak an nghah hnu pawh a kawng siam theilo hi mipuiin an dem hle.


Khawzawl – Ngaizawl PMGSY Road Black topping/white topping hna hi kum 2017 a ṭanga ṭan a ni a, First class Contructor Pi Collin Lalsangpuii hmingin Pu Lalrinliana Sailo in a chhang a, Pi Romuanpuii Zadengin a thawk a ni.

Ngaizawl NGO hian "Kan kawng dal tu lian ber Pi Romuanpuii Zadeng hian ni 21.02.2022 Thawhṭan dar 12:00 Noon ral hma ngei hian a hna thawktute leh a khawl leh hmarua zawng zawng nen he kawng hi chhuahsan turin kan hriattir a, hemi hun tiam chhunga a la chhuak lo a nih chuan a chungah engpawh thleng se a sawisel thei lo ang." tiin thu an lo chhuah tawh a ni.



NGAIZAWL ALL N.G.O & VC COORDINATION COMMITTEE
PRESS RELEASED


1. Khawzawl – Ngaizawl PMGSY Road Black topping/white topping hna hi kum 2017 a ṭanga ṭan a ni a, First class Contructor Pi Collin Lalsangpuii hmingin Pu Lalrinliana Sailo in a chhang a, Pi Romuanpuii Zadengin a thawk a ni.

2. Kum 2017 aṭanga tun thleng hian Black topping chu kum 4 leh thla 3 chhung hian 4km a zo hman a, kum 2022 march thla a tawp tawh tur chu September 2022 thleng pawh sei sak a ni chung hian a zo hman dawn lo tih chiang tak a hriat a ni.

3. Sub-HQRs, Group, Branch YMA leh PWD  ten ni 29.01.2022 a thu thlukna an lo siam, Ni 15.02.2022 ral hmaa white topping thawk tura  midang an biak rem tawh chu Pi Romuanpuii Zadeng hian luh a la phal loh avangin kan lung a awi thei lo a ni.

4. Pi Romuanpuii Zadeng hian kum 2018 khan sum a neih loh avangin Sub-grade leh GSB phah lohna ah, a hun lai a JE Remruatpuina a bill siam saka, Bill a lak velleh thawk nghal tura a in tiam avangin kan remtihsak pawh bill a lak hnu tun thleng hian engmah phah a la awm lo a ni.

5. A hna a chak theih nan tiin Ngaizawl ram khawi hmun a mi pawh mi mal ram thlengin Lung leh Thing, a ṭul apiang hman tir a ni.

6. A hna bahlah lova a thawh theih nan hmaiphihkawn aṭanga Ramrikawn inkar kawnghlui zawh theih a siam a ni a. A hna a sawt phah chuang lo a ni.

7. A hna a zo hman dawn lo tih Deptt lam pawhin an hriat chian em avangin midang lut ve tura an tih pawh Pi Romuanpuii Zadeng hian mi dang puih a duh bawk si lova, Ngaizawl khua in kawng ṭha kan neih lohna tura hma la tu chu Pi Romuanpuii Zadeng hi a ni kan ti lo thei lo a ni.

8. Chuvangin Khawzawl – Ngaizawl kawng PMGSY Road ah hian a hna neitu contructor Pi Collin Lalsangpuii ngei emaw he hna thawk zo thei ngei tur midang emaw hian ni 28.02.2022 ral hma ngei hian rawn thawk rawh se.

9. Kan kawng dal tu lian ber Pi Romuanpuii Zadeng hian ni 21.02.2022 Thawhṭan dar 12:00 Noon ral hma ngei hian a hna thawktute leh a khawl leh hmarua zawng zawng nen he kawng hi chhuahsan turin kan hriattir a, hemi hun tiam chhunga a la chhuak lo a nih chuan a chungah engpawh thleng se a sawisel thei lo ang.



Sd/-
(ANDREW PAULIANTUANG)
NGO Chairman 
           
Sd/-
( PC.LALLAWMA)
NGO Secretary 

Sd/-
(CHIN-GOKIM)
VCP, Ngaizawl 



Copy to:-
 
PWD, EE Khawzawl
SDO Khawzawl
JE Khawzawl
Deputy Comissioner Khawzawl
Pi Collin Lalsangpuii Contructor Aizawl
Central YMA / Sub Head quarter YMA/ Group YMA
Police OC Khawzawl
Khawzawl Joint VC
Pi Romuanpuii Zadeng Sub-Contructor
File Copy

Post i hmuh dan

Post a Comment

0 Comments