Aizawl | Feb 21, 2022: Foundation For Drug-Free Mizoram in eizawnna thianghlim lo luhka leh paltlangna Champhai leh Kolasib ah ruihhlo dona campaign rusum thlak an tum.
Foundation For Drug-Free Mizoram chuan February 19 khan Aijal Club ah kumina Executive Council hmasa ber an nei a. Kum 2022 atanga 2024 chhunga hruaitu thlan thar te hlan leh lakluh inkhawm bakah kumin chhunga an pawl hmalakna tur hrang hrang duang an duanga; Sunday School leh School 10 tlawh tur thlangchhuakin; eizawnna thianghlim lo kalpui tu ten Mizorama ruihhlo luhka a hman fo thinna Champhai leh Kolasib ah ruihhlo dona campaign rusum thlak an tum. Foundation For Drug-Free Mizoram Executive Council hi an pawl President TV Lalnunthara V Thanga chuan a kaihruai.
Foundation For Drug-Free Mizoram chuan, Mizoram sorkar hnuaia education department in session thar atanga zirlaibu-ah zirlaite syllabus a ruihhlo that loh zia inzirtirna kalpui an tum chu lawmawm an tih thu an tarlang bawk.
Foundation For Drug-Free Mizoramah hian member 660 an awm mek a; ruihhlo dona kawnga tui an pawla inhmang duhte tan kawng zau tak an hawng reng a ni.
Post a Comment
He post chungchanga i ngaihdan lo sawi ve rawh: