Khawzawl-ah nu pakhatin a vahnu sawisa hlum!


Aizawl | Feb 19, 2022: Khawzawla pawikhawihna rapthlak leh danglam tak thlengah Nu pakhatin a vahnu kum 14 mi a sawisa hlum.



Khawzawl Police station atanga thudawn danin tukin khan tualthattu-a puh Chingsianzovi kum 37 mi Khawzawl Zuchhip veng chu Khawzawl Police Station-ah kalin, a vahnu Catherine T Biaksiami kum 14 mi chu Thlam atangin mipa pahnihin an hruai bo niin a sawi a, misualte zinga pakhat chu beiletin a phuar hlawm a, a thi zui niin Police te bulah a sawi niin ZONET chuan a tarlang.


Khawzawl police ten Thlam an thlen hian mipa ruang ni lovin Catherine T Biaksiami ruang zawk hi an hmu a, Police ten thu an zawhfiah hnuah Chingsianzovi hian a vahnu chu ama kutthlak a ni tih a puang a, tualthah thubuai siamsak a ni.

Post a Comment

0 Comments