CHAKAI MANTO SIAMNA FARM!

byAdmin — 0


* SEDP sum cheng Maktaduai 5.47  hmangin March 2020 atang khan Chakai Farm Pilot Project hi Dumlui, Kolasib ah kalpui tan a ni. 
.
* He farm hi chakai 48000 len theihna turin a khawina siam a ni. He farm-ah hian lui chakai Aikam leh Aifiar dah a ni. 
.
* He farm hi ICAR Scientist vilna hnuaia enkawl a ni. National Fisheries Board-ah farm chungchang hi thlen a ni tawh. 
.
* Kum 2020 December thla khan sorkar thuchhuah chuan chakai 48000 lenna turah chakai 2000 enkawl chhin a nih thu a tarlang.
.
* He farm hi Fisheries Minister-in vawi 3 ( 3 July 2020, Dec 2020, 15 Feb 2022) a tlawh tawh. 
.
* Kum 2 dawn liamta khan, a enkawltuten chakai a inthlahpun vat an beisei thu an lo sawi tawh a. Kuminah pawh an beisei leh. 
.
* Tunah hian chakai 600 vel enkawlin an insawi a. A tirah chakai 2000 dah a nih si chuan kum khat chhung lekin chakai 1400 a thi tihna a ni. 
.
* Thla thar March thla khian Chakai Farm hian a kum 2 cham a tling dawn. 
.
* Chakaia intodelhna tur project lam kan la hawi lo tih a langchiang.  Dept. hotute pawhin " A hlawhtlinna hmuh tur a la awm lo" an la ti chauh. 
.
* A hlawk loh chhuanlama Chakai damkhawchhuah dan, a inthlahpun dan, a hlawk theih dan tur, a chaw leh a damdawi  lam zirna hmun anga an han chhuah leh hnuhnaw te hian nuih a tiza lo hle. 
.
* Mipui sum maktaduai 5 chuang kan hmang tawh a, chakai 600 lek kan khawi leh si a. Chakai manto, chakai pakhat hi Cheng 9000 manah kan chhuah a ni ringawt. 
.
* Fisheries Minister-in "Mualphopui huamin kan kalpui" a tih hian a hrilhfiah chiang ber awm mang e.



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post