ISUA LEH A CHHUNGTE HNENAH INPE ANG CHE

- Rick Warren

- February 22, 2022



“Taksa hi pumkhat a ni a, peng tam tak a nei a, taksa peng zawng zawng chu tam mah sela, taksa pumkhat a ni si a; Krista chu chutiang bawk chu a ni.” 1 Korinth 12:12

Pathianin nangmaha chauhva hringnun zawhchhuak turin a ruat lo che. Ama chhungkua – kohhrana tel ve turin a duh che a ni. A tir aṭang reng khan kohhran hi Pathian ruahman lawk a ni. Mi ṭhenkhat chuan kohhran chu biak in emaw pawl emaw, engemaw inkhawmnaa i telna emaw kha an ti ṭhin. A engamah khi a ni lo va. Pathian chhungkua i telna ngei kha a ni zawk. 

Bible chuan, “A ruahmanna danglam ngai lo avang chuan Isua Krista thihna avangin ama chhungkuaah min pawm ta, ama lungduha lawmzawng a nih avangin” a ti. (Ephesi 1:5 TLB)

Kohhranah i tel ve a nih chuan, i nihna dik pahnih a awm: Isua hnenah i inpe a, in kohhran chhungkuaa mite zingah pawh i inpe tihna a ni. Bible-a 2 Korinth 8:5 (GNT) ah chuan, “Pathian hnenah an inpe hmasa phawta, tichuan Pathian duhzawngin keini hnenah an inpe leh a ni” tih kan hmu. 

Lalpa hnenah inpe la, tichuan Pathian mite hnenah chuan i inpe leh dawnnia. I duhthlanna hmasa chuan Kristian a nihtir che a. I duhthlanna dawttu chuan i ringtupuite a zawmtir thung che a ni. Kohhran ka ni lo a. Kohhran i ni chuang lo. Mahse a huho hian kohhran kan ni – Krista taksa chu.

Krista taksa a tel ve awmzia chu engnge ni? Bible chuan, “Taksa hi pumkhat a ni a, peng tam tak a nei a, taksa peng zawng zawng chu tam mah sela, taksa pumkhat a ni si a; Krista chu chutiang bawk chu a ni.” 1 Korinth 12:12

Kohhran kal dan hrethiam tur chuan, i taksa Pathian siamdan che en la. I kut, hnar, chuap leh thin zawng zawng te hi i taksa bung hrang hrangte an ni. An hnathawh chu a inanglo ṭheuha, amaherawhchu an vai khan taksa pakhat an siam thung a ni – Pathian kohhranin thlarau lam taksa pakhat a siam ang hian. 

Chuvang chuan kohhran chhungkuaah chuan peng pawimawh tak i ni. “Ka chanvo, ka talent leh ka theihnate chu mamawhna a awm lo ang” i ti thei lo. Ṭangkaina awm lo engmah a awm lo. Tute pawh kan in mamawh tawn veka, tute pawh hian tih tur pawimawh kan nei vek a ni.

A tir aṭang renga Pathian thil tum chu ama chhungkuaa chenho hi a ni.

Ngaihtuah zui atan

* Engtin nge Kohhran chu i lo pan ṭhin, i tel vena satliah angin nge i inkhawm ṭhinna angin i lo pan ṭhin le?

* I ringtupui dangte hmangaiha enkawl turin engtin nge i talent i hman theih ang?

* I ringtupui dangte hnenah i thiamna leh theihnate i hman loh chuan engtin nge nghawng a neih ang?

*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post