Feb 23 atangin petrol leh diesel khuahkhirh

Aizawl | Feb 23, 2022: Mizoram IOCL Transporters Forum te chuan POL phurh man chungchanga an lungawiloh avanga ni 23.02.2022 - 25.02.2022 chhunga an lungawilohna lantirna'n a indent, challan siam leh load lak an tum loh avangin ramchhungah harsatna tawh theih a nih thu Director, Food, Civil Supplies & Consumer Affairs chuan nimina a thuchhuakah a tarlang.




POL rawn thlen tlem avanga Sawrkar leh mipuite'n harsatna lian zawk an tawh loh nan petrol leh diesel mamawhtute'n rualkhai zawka an chan theihna'n POL chungchanga khuahkhirhna chu vawiin khan Director, Food, Civil Supplies & Consumer Affairs chuan a hnuai ami angin a siam

TYPE OF VEHICLE                             QUANTITY ALLOWED FOR ONE TIME ISSUE
l . Two-wheelers                                    5 litres
2. LMV                                                 10 litres
3. MMV                                                 20 litres
4. 11MV                                                40 litres

Buhfai/essential commodities phur truck te chu an challan milin an kal lam leh haw lam daih pek a ni ang.

Petrol pump te'n an stock position hi Deputy Director (G), FCS&CA (Ph:9436198916) emaw Supply POL Report Group WhatsApp group ah nitin dar 09:00 AM ah report an thehlut thin ang. MS stock hi 5000 ltrs leh HSD stock hi 7000 ltrs-a a tlakhniam chuan FCS&CA hriatpuina leh phalna lovin pekchhuah tawh loh tur a ni anga, a tul angin FCS&CA Department-in ruahmanna a siam ang. He Order hi DCSO te'n inspecting staff te detailment order siamin an enforce tur a ni.

Khuahkhirhna hi 23.02.2022, zing dar 6:00 atanga thu leh awm hma chu hman tur a ni ang.



Post a Comment

0 Comments