Dholai pa thihna vangin Assam lama lirthei kal turte fimkhur turin ngen

• Ruang a la thleng lo - fimkhur a la ngai!

Aizawl | Feb 9, 2022: Tun thla February ni 1-a Sairang a Tanklory Driver leh Handyman tr intih thiam loh avanga Handyman-in a driver a thah thu kal zelah Police ten an man tak, Nipen Singh Handyman zawk (Vai) chu Dt.8.2.2022 nizan lam khan Central Jail-ah a ináwkhlum niin thu dawn a ni.



"Hetiang a nih lai hian mitthi chhungte hi an lungawi lovin Mitthi chhungte awmna lai vel Panibora/Dholai vel harsatna siam tumin boruak a in mung mek ni a thu dawn a ni bawk." tiin Rengkhawpui chuan a tarlang.

Hêng lai paltlang turte chu fimkhur tur in thuneitu lam chuan mipui te an ngen a, a bikin tanklorry te Silchar lamah hian kal rih lo tur leh lirthei dang tan pawh fimkhur turin an ngen a ni.

Tun thla February ni 1-a Sairang a Tanklory Driver leh Handyman te intih thiam lohna avanga Handyman-in a driver a thah thu kal zelah Police ten an man tak, Nipen Singh (Handyman) zawk chu Dt.8.2.2022 nizan lam khan Central Jail-ah a ináwkhlum niin thu dawn a ni. Hemi chungchangah hian a chhûngte hian an chenna, Dolai bul lamah vawiin khan public meeting te neiin lungawilohna lantîr an tum ni a thu dawn a ni.

He meeting-ah hian an khawthlang hruaitu chuan a ruang hi a lo thlen ve leh postmortem that a, a thih chhan dik tak zawn chhuah an tum thu sawiin harsatna leh buaina erawh a awm zui rih lo ni a thu dawn a ni.

Thu dawn zêl danin tlai lam thleng kha chuan buaina chhuak a la awmlo niin Bagha Journalist, Anamul-a chuan a sawi a. Nipen Singh-a ruang hi Assam lamah pek thlak la ni lovin Mizoram lamah naktuk hian postmortem tih theih beisei a ni a, Postmortem zawh lamah chuan Assam kutah an hlan an tum ni a thu dawn ani bawk.

Hetihlai hian Dholai chhehvêl lamah erawh boruak hi sosang deuhin buaina chhuah thulh ah Assam Police lam pawh an lo inring lawkin, sipai pawh an inchah belh niin thu dawn a ni.

Tarlan tawh angin boruak thalo a awm theih reng avâng in helam a kal turte fimkhur turin thuneitu lam chuan mipuite an ngen ani.

*Rengkhawpui news*

Post a Comment

0 Comments