Chapchar Kut pualin Naupang kum 10 leh a hnuailam thlalak pholanna buatsaih dawn; March 2 thleng thlalak thehluh theih

Aizawl | Feb 17, 2022: Chapchar Kut 2022, Vau thla ni 4-a hman turah Kut Organising Committee chuan ‘Naupang kum 10 leh a hnuailam pual thlalak pholanna’ a buatsaih a. A tam thei ang ber tel turin a sawm.

Thlalak te hi February 17 – March 2, 2022 Dar 3:00 PM thleng thehluh theih a ni a, Thlalakte hi uluk taka endik an ni ang a. Lawmman 1 na – Rs. 2000 /-; 2 na – Rs. 1500 /-; 3 na – Rs. 1000 leh a titha zual mi 7 hnenah Rs. 500 /- theuh pek an ni dawn a ni.

Lawmman latu te hi Chapchap Kut 2022 hmanna-ah puan a ni ang a, lawmman mi 10 te thlalak hi Chapchar Kut Virtual Programme (live telecast)-ah phollan a ni ang a. Lawmman latu te thlalak hi Chapchar Kut Souvenir-ah chuan tir an ni dawn niin thuchhuah chuan  a tarlang.



Hriattur hrang hrangte:
1. Mizo naupang kum 10 chin hnuailam Mizo hnam thuam in belin,  Mizo hnam zirang tarlang thei thlalak a ni tur a ni (thalatu chu  mi tupawh nise). Thlalakah hian mi pakhat emaw a aia tam  emaw an lang thei ang.
2. Intihsiaknaah hian mi pakhat tan thlalak pakhat thehluh tur a ni  a, thlalak a chuang naupang hmingin lawman siam a ni ang.
3. Thlalakah hian thla lak saktu hriatna tur tarlan phal a ni lo.
4. Thlalakna hmanrua atan eng pawh pawm vek a ni.
5. Thlalak rawn thehluttu hian - Naupang Hming, Veng/Khua leh biak pawh theihna tur phone number thawn tel tur a ni.
6. Lawmman latu te hi Chapchap Kut 2022 hmanna-ah puan a ni ang a, lawmman mi 10 te thlalak hi Chapchar Kut Virtual Programme (live telecast)-ah phollan a ni ang.
7. Lawmman latu te thlalak hi Chapchar Kut Souvenir-ah chuan tir an ni ang.
8. Thlalakte hi a neituin a hmang zui thei ang. Chapchar Kut Organising Committee leh Art & Culture Department ten tul a  tihnaah an hmang zui thei ang.
9. Thlalakte hi uluk taka endik an ni anga. Lawmman 1 na – Rs. 2000 /-; 2 na – Rs. 1500 /-; 3 na – Rs. 100 leh a titha zual mi 7 hnenah Rs. 500 /- theuh pek an ni ang.
10. Chapchar Kut – Naupang kum 10 chin hnuai lam puala thlalak  pholanna/intihsiakna hi mipuiten Mizo hnam ziarang pholang  chung leh mahni awm hmun theuh a Kut kan lo urlawk theihnana buatsaih a ni.

Thlalak thehluh hun chhung:
Thlalak te hi February 17 – March 2, 2022 (Dar 3:00 PM thleng)

Thlalak thehluhna tur –
1. mizoramartculture@gmail.com
2. Whatsapp - 8787789650 
(whatsapp-ah hian document-a thehluh tur a ni.)

CHAPCHAR KUT 2022
Zonun Zemawi – Rinawmna
Vauthla ni 4 

Post a Comment

0 Comments