ANXIETY LEH COVID

- Zawmsanga Sailo

     Covid hri vangin hun harsa kan han tawk chho bap bap a, mi vantlang tam tak nunphung pawh a buai nak nak hle mai. Nu leh pa tam tak chuan hma lam huna harsatna lo thleng zel theite thlir ngam lovin kan inthlamuan tawk tawk a, a hahthlak ta viau mai a ni. Engtin tak kan hma lam hun hi hmang zel hlawm ang i maw le?

     Heng hun harsa karah hian thalaite leh nu leh pa thenkhat rilru lama chak vak lote chu anxiety, depression- te  avanga buaipui ngai leh ngaihtuah awm takin an rawn awm chho ta mek a. A buaithlak tan ta hle mai a nih hi. Duh anga chet hleihtheih si loh,  thawpikna in mi tam tak chu a kaikun ta mek si, han inchhawmdawl vek sen lah ni bawk si lo, a ruka hlauhna leh zamna in a phuarbeh ngheh tur hi kan tam zel ang tih a hlauhawm hle mai.

     Covid-in min tih manganna leh min tihhrehawmna hi tam tak tan chuan a na ngaih ngaih hle a. Hei ai mah hian Covid-in a rawn irhchhuah anxiety vel hi a la buaithlak zawmah thei si. A lungngaih thlak zawnga thlir phei chuan kan dam khawchhuak lo teuh mai ang tih pawh a hlauhawm rum rum e.

      Mahse, he ti hian ka'n ti teh ang. Eng pawh kan chungah hian lo thleng se, tidama khaichhuak leh thei Pathian chak tak nei kan nih hi a chhuanawm tulh tulh tih hi kan hre zel ang. Covid nghawng avanga anxiety vei tihdamna leh chhanchhuahna hi Pathian thahnemngaihna a ni  mek a, fiah leh zuala Pathian hmuhna hmanrua pawh a ni mek a ni. Pathian hnenah tawngtai ila, kan damna tur kawng dik min kawhhmuh zel dawn a ni. Covid leh anxiety-te hian damna khawpin Pathian min mamawhtir mawlh rawh se. Amen.