THENZAWL | A thlakna awm lova Doctor sawn tur duh lovin 'transfer order' hal dawn

Aizawl | January 29, 2022: Thenzawl damdawiin aṭanga doctor sawn chhuah tur duh lovin naktuk chawhnu hian 'transfer order' hal an tum.

Mizoram sawrkarin a thlakna emaw thlaktu tur awm lova Thenzawl Hospital aṭanga Doctor sawn chhuah a ni tur chu Thenzawl Joint NGO chaan ngai thiam lovin, lungawi lohna lantir nan naktuk chawhnu dar 2:30 khian transfer order an hal dawn a ni.

Thenzawl Joint NGO chuan thuchhuah siamin, "Thenzawla kan Doctor te sawnchhuahna Order awm hi kan duhlohzia lantirnan nan Ni 30 January 2022 (Pathianni) Chawhnu Dar 2:30 PM hian Lamthuam Thum (Field Veng Kawn) Field Veng ah, Notification Order Halna hun kan nei dawn a ni." a ti.

Joint NGO Committee Thenzawl, Ni 29 January 2022 zana thukhawm chuan Mizoram Sawrkar hnuaia Health & Family Welfare Department in Notification a tihchhuah No.A.22012/4/2017-HFW/84 leh No.A.22012/4/2017-HFW/85 hmanga Thenzawl Doctor te sawnchhuah a tum hi an duh lo a ni.

Thenzawl Joint NGO thuchhuahin a tarlan dan chuan, An khawtlang hruaitu ten ngenna an thehluh hnu ah pawh an beisei ang ni lova, Thenzawl atanga Doctor sawnchhuahna Order ala awm tho hi hriatthiam harsa an ti takzet a, "kan Doctor neih te a thlakna tur dah tel lova sawnchhuah tumna hi a tawp thlenga dodal zel kan tum a ni." tiin a tawp thlenga beih an tum thu thuchhuah chuan chiang takin a tarlang.

*PRESS RELEASE*

Joint NGO Committee Thenzawl, Ni 29 January 2022 zana thukhawm chuan Mizoram Sawrkar hnuaia Health & Family Welfare Department in Notification a tihchhuah No.A.22012/4/2017-HFW/84 leh No.A.22012/4/2017-HFW/85 hmanga Thenzawl Doctor te sawnchhuah a tum hi kan duh lo a ni.

 Kan khawtlang hruaitu ten ngenna an thehluh hnu ah pawh kan beisei ang nilova, Thenzawl atanga Doctor sawnchhuahna Order ala awm tho hi hriatthiam harsa kan ti takzet a, Kan Doctor neih te a thlakna tur rawn dah tellova sawnchhuah tumna hi a tawp thlenga dodal zel kan tum a ni.

*Thenzawla kan Doctor te sawnchhuahna Order awm hi kan duhlohzia lantirnan nan Ni 30 January 2022 (Pathianni) Chawhnu Dar 2:30 PM hian Lamthuam Thum (Field Veng Kawn) Field Veng ah, Notification Order Halna hun kan nei dawn a ni. He hunah hian Thenzawl Hmangaihtu te zawng zawng hun min hmanpui turin kan sawm a che u.*

*Issued by Joint NGO Committee Thenzawl*