Ramdaidep species thar hmuchhuak; Lunglei hmingchawiin Cyrtodactylus lungleiensis phuah

Aizawl | January 29, 2022: Ramdaidêp, Cyrtodactylus (Bent-toed Gecko) te hi khawvel pum huapah species 319 leh India ah species 37 hmuhchhuah ni tawhin Mizoramah chi 3, Cyrtodactylus aaronbaueri, C. bengkhuaiai leh C. montanus te hmuhchhuah an ni tawh a.



Tunhnaia Lunglei khawchhung leh chhehvel, leh Palak dil chhehvel a survey na aṭangin heng ramdaidêp te hi an pianhmang (morphology) leh (chifang) DNA te Developmental Biology & Heroetology Lab., Zoology Dept., MZU a zirchian hnuah Cyrtodactylus species thar a ni tih hmuhchhuah a ni.

He species thar hi hetiang lam a tui mi, Leitlângpui mipuite tan kan hlan (dedicated) bakah kan hmuhchhuahna hmun Lunglei khawpui hmingchawiin Cyrtodactylus lungleiensis tiin a hmingphuah a ni. He nungcha hmuhchhuah thar chungchang hi ni 28.01.2022 khan Zootaxa vol.5093(4) chuan a rawn tlângzarh (published) ta a ni.


Ramdaidêp (Cyrtodactylus or Bent-toed Gecko) te hi gecko dang Innghâk/ Bangdaidêp/Chawlru, adt, nen an inanlohna chu an keṭang (toe) te hi phêk ve loin ar leh sava keṭang ang hian a sîn seiin a zum kawm ṭhin. Inchhungah khawsa ve ngailoin kopang, dâi, rampalailêng leh ramhnuaia hmun biru lai, leikua, lungkâr, thingkawrawng leh hnim zingah an khawsa ṭhin. Nungcha tam lo leh ngaihven hlawh ngai lemlo tak an nih avangin tunhnaiah species thar hmuhchhuah belh zel an ni ta a, an biology pawh hriat tur ala tlem hle.

Post a Comment

He post chungchanga i ngaihdan lo sawi ve rawh:

Previous Post Next Post