Ticker

10/recent/ticker-posts

AMC ruahmanna in kawngsira thil zawrh felfai zawka kalpui dan rel

Aizawl | January 28, 2022: Vawiin khan mumal zawka Aizawl khawpui kawngsira thil zawrh (Street Vending) dan kalpui anih theihna tur ngaihtuahin Town Vending Committee for Aizawl City chu AMC Conference Hall, Thuampuiah an thukhawm.
Town Vending Committee Chairman, Pu K. Laldingliana, Municipal Commissioner, AMC ni bawk kaihhruai meeting meeting ah hian Aizawl khawpui chhunga vending zone tur survey lo neih tawh report thlirho a ni a; uluk taka sawiho a nih hnuah Vending zone - 31, No Vending Zone – 10 leh Restricted Vending Zone – 47 puan nise tiin meeting hian thutlukna a siam a ni.

Meeting-ah hian AMC, Aizawl DC, UD&PA, Town & Country Planning, Health & Family Welfare Department, Traffic Police, Central YMA, Street Vendors, Bank leh NGO aiawh te an tel a ni.

Town Vending Committee hi Mizoram Street Vendors (Protection of Livelihood and Regulation of Street Vending) Rules, 2017 hmanga din a ni.

Post i hmuh dan

Post a Comment

0 Comments