Mizo film dangdai - 'MAKSAK!'

Aizawl | January 17, 2021: Mizo film dangdai tak mai, MAKSAK, Mizo Psychopath / Horror / Thriller / Suspense chu en theihin Lersia Play-ah chhawpchhuah a ni.

Maksak film hi chhawpchhuah a nih hnu lawkah mi tam pawn an lei hmain Tlau Entertainment in a buatsaih Mizo Film Award 2021 ah khan category hnih a nominee ni pha a  ni a; Best Short Film leh Best Actor nominee niin, main role changtu chu Lalduhawma a ni.

He film hi obG production kutchhuak a ni a, Director hi Zonunkima (Kima Renthlei) obG_production niin, script hi J. Lalrinsanga [Lai_Ril] ziah a ni.

He film buatsaih a nih lai hian, Director leh Script writter tang dun hian, neih sum engmah budget atan a chhawp chhuah tur an nei lo mai nilo in, he film hi low budget pawh ni lo, no budget a buatsaih a ni. Mahse, thian tha, vua leh vang ngam tlakte hnen atang a, an rem chan ang ang pawt khawmin, thi leh thau pawlh tak meuh meuh a an sual chhuah a ni. Cast te lakah pawh risk lakpui tur hian an sawm hial a ni. 

Mizote'n kawng hrang hranga hma kan sawn mek lai hian kan film taste pawh a sang chho zel a. Chumi chu hriain, Director leh Script Writter pawh hian he film  MAKSAK hi Mizo mipuite rualawhna engemaw zah phuhrutu a lo nih theihnan thlir theih a lo chhawp chhuah an tum ruh hle a ni. An theih tawp chhuahna hi hriatthiam pui a, Mizo mipuiten lo hlut sak a, lo thlir sak theuh turin an ngen bawk a ni.

A thawnthu chu:

Bena, a nu leh pa te'n anmahni pui tur a thingtlang lam a an chah chhoh chuan, In nghak tu atan, an chhungkua  pawhin a rintlak ber ni tur a an ngaih, Peka chu In nghah tirin, engkim a kut a dahin a kalsan a. Mahse, Peka lo khawsak dan chuan an chhungkaw lu a ti hai in a khawsa MAKSAK tak zet a ni!

MAKSAK hi Quality hrang hrang a en theih niin,

Highest Quality - ₹ 149

High Quality - ₹ 99

Medium Quality - ₹ 69

Low Quality - ₹ 49 a ni.

Tin, Lersia Play hi, android hmang te tan Google play store atang a download mai theihin a awm a, IOS hmang ho tan erawh www.lersia.com ah  luh mai tur a ni.