Ticker

10/recent/ticker-posts

MISSIONARY DAY

(11 January)*_
*Chibai vek u le.*

*🖊️(Remmuana Chawngthu)📒*

_He ni lawmawm leh chhinchhiah tlak hlutzia hi lo hre chhuak fo rawh._

*Kum za chuang fe liam tawh aṭanga chhûtin, vawiina Zofaten zirna kawngah kan thlen chin sân tawhzia hi chhut la; kan Zosapte hlutna lo hre chhuak rawh.*

_Pathian biak inkhawmnaa i luh apiangin, hetiang thleng thei tura bul lo ṭantu kan Zosapte lo hrechhuak ṭhin rawh._

*Hla i sak apiangin hla lama bul min ṭan saktu, hla tam tak min lo lehlinsaktu hmasa, kan Zosap te theihnghilh suh.*

_Mizo ṭawnga thu i chhiar leh i ziah apiangin, remhre taka A AW B min lo siamsaktute hlutzia lo hre chhuak thar leh hram rawh._

*Thu leh hla (Literature)-a Mizote kan sân tawh zia hi chhut la, kan Zosapte hna min thawhsak tawh bawk chu lo hre chhuak thar leh teh.*

_Vawiina Kohhran tin ten Missionary tam tak kan tirh chhuah thu hi i hmu chiang a nih chuan, hetiang ni thei tura sulsutu hmasate lo hre tel hram rawh._

*Kan rama Biak in tam tak dingte hi i hmuh apiangin, Biak in hmasa ber dintute theihnghilh suh.*

_Vawiin Zofate hmasawnna tam tak hi thlir la, ramdang mite hmuhah pawh ka duai loh zia hi; kan Zosapte bawk chu lo hre chhuak leh teh._

*Kum 1894 January 11 thlirlet la, khatih huna kan hnam nun leh tûna kan dinhmun hi khaikhin rawh. Chutichuan, kan Zosapte hlutna bawk chu lo ngaihtuah chhuak leh ta che.*

_Chanchin Ṭha zara kan chan ropui zia lo chhut chiang fo la, Kan Pathian hnathawh ropui hi lo theihnghilh suh._

*A chhiahhlawh, kan pioneer missionary (Sap Upa leh Pu Buanga) te hlutna lo chhut chhuak lul rawh, ka unau.*

_Midangte sut kuak ên tawhsa aṭanga rawngbawl ve ngawt an nih loh bik zia lo chhut la, an hlutna hi a hlu bik a ni._

*He ni lawmawm leh hlu kan thleng leh thei hi i lâwm takzet ang u.Kan Pathian chungnung bera hnenah lawmthu i sawi ang u; heng thil ropui takte min tihsak avang hian.*

_Mizote hmun thim leh hnuaihnung aṭanga Chanchin Ṭha êng awmna, hmun nuam leh ropui taka min hlangkaitu kan Pathian chungah lawmthu awm rawh se._

*He ni ropui hlutzia hi Zofa leng zawngten lo hre nawn awn awn se.Kohhran pawl/ram lãk bing luat tuk avanga he ni hlutna hre phalo zawng zawngte tan pawh kan Zosap Missionary te hi an hlu si a.*

_Rinna anṭam mu fang tiat lek pawh ropui leh sang taka a ṭhan duan a, a chawrno theihna tura chhete tal pawha tha lo thawhtute zawng zawng leh an thlahte chungah Lalpa malsawmna lo thleng rawh se. An chunga kan lâwmna a sang hle a ni._

*Mizoten Chanchin Ṭha kan hmuh theih nana a sum tam tak sengtu Robert Arthingtona thlahte Lalpan malsawm se.*

_Kan rama Missionary lo lut tur hre lawka lo puangtu Pathian zawlnei Darphawka thlahte zawng zawng pawh Lalpan malsawm nawn leh rawh se._

*1871 Dec 25 - a Tuikawi khuaa Krismas hmang a, Isua chanchin lo sawitu hmasa T.H.Lewin (Thangliana) chungah pawh kan lawmna a thar zual a.*

_1891-a Chanchin Ṭha hrilna chi a nih leh nih loh lo thlithlaia Mizoram rawn lut William Williams pawh kan hre renga, kan theihnghilh lo, a chungah kan lawm hle a ni._

*Sap Upa leh Pu Buanga hnathawh chhunzawmtu hmasa Zosaphluia leh Zosapthara te bakah kan Zosap Missionary dang te chungah i lawm thar ang u.*

_Mizo zinga ringtu hmasa nia Chanchin Ṭha thehdarh chhawng lehtute pawh i ngaisang thar ang u._

*He hun hlu tak lo thleng hi malsawmna thar nen lo hmang nang che u.*

_"Thlifim, thlipui zawng zawngten,_
_He Chanchin lên ula;_
_Tui luangte u, chhandam aw,_
_Hruai ru, darh vel zel se;_
_Beramno mi sual tana_
_Thi kha lo thlen hma chuan,_
_Tlantu, Rorel, Lalbera-_
_Ṭanin lo bei rawh u...."_
Post i hmuh dan

Post a Comment

0 Comments