Aizawl |January 05, 2021: Nimin, kum 2022 atana sorkar pisa hawn tan ni ah hian Minister Pu Robert Romawia Royte chuan a Department enkawl 3- ICT Directorate, Mizoram State Sports Council, Tourism Directorate leh Sports Directorate office te tlawhin kumthar chibai a buk. Minister hi Pu TC Pachhunga Ex-MLA,Vice Chairman,Sports,Youth Affairs,Tourism & ICT Board in a tawiawm a ni.
Minister chuan kum 3 kaltaa Covid hripui kara a Department pathum te hnathawh dan leh an thawhchhuah chu ropui a tih thu sawiin kumthar lo thleng mekah pawh nasa lehzuala hmasawnna hna thawhpuiah a Department Officer te leh Staff te chu a sawm a ni.
Minister Pu Roberta chuan Department tihlen chiam aiin ‘Thawhchhuah len’ a pawimawh zawk a, sawrkar phurrit siam lo zawnga ruahmanna siam a tul, a ti a. Hmasawnna hna te chu a hnua sawrkar phurrit ni lova, sawrkar chhawktu an nih theih dan tur zawnga kalpui thiam a tul hle a ni, a ti.
Minister hi Pu TC Pachhunga Ex-MLA,Vice Chairman,Sports,Youth Affairs,Tourism & ICT Board in a tawiawm a ni.
Post a Comment
He post chungchanga i ngaihdan lo sawi ve rawh: