Ticker

10/recent/ticker-posts

FEATURE | Rope Skipping vanga hriat hlawh Mawipuia Hnamte

Rope Skipping vanga hriat hlawh Mawipuia Hnamte hi i han belchiang teh ang.


Mawipuia Hnamte  emaw Mama tia hriat hlawh Vanlalmawipuia hi Lalhmunliani & Zaihmingliana te fapa niin, February 18, 2000 khan a lo piang a. An chhungkuain Venghnuai, Aizawl-ah chengin an khawsa a, Presbyterian Kohhran-ah an lawi.

Mawipuia Hnamte te unau hi pasarih niin, Hmeichhe pali leh Mipa pathum an ni, a U te lam hi hmeichhia vek niin a naupang lam atanga chhiara a pathumna chiah mipa upa ber a ni.
Mawipuia Hnamte hi ft 5'7 a sang a ni.


Mawipuia Hnamte hi Hlutei nen National Youth Day, Vanapa Hall-a hmanna-ah khan rope skipping/Jump rope an show a, Mizoram-a hetiang programme a rope skippping live a show hmasa ber an ni. Tun tum hi Rope Skipping show vawi 2na niin, a vawi khatna chu Anthurium festival-ah niin, Virtual a hman a nih vangin video shoot sa dah chawp a ni. An perform lai video a hnuaiah hian dah a ni.






EXPLOREMIZORAM.COM zawhna a chhanna thenkhat i lo thlir teh ang
Zirna lam: Tunah hian IGNOU ah B.A ka zir mek. National Championship leh Exam hun a in rual thin vang in pawl 10 hi school pangngai-ah exam lovin vawihnih ka kal a, tichuan pawl 12 nen hian Open atang ka pass. 

Hobby: Taekwondo practice leh Jump Rope.  Ka hun tam zawk hi training/practice nan ka hmang thin.

mawipuia nu leh pa


#Jump Rope/Rope Skipping
• hi engtik aṭangin nge i tui?
- Jump Rope hi Taekwondo ah hian footwalk/stepping tih chak nan kan zuang nasa em em a, Mahse, hetia trick chi hrang hrang nena ka tih chhoh tanna hi chu kum 2020 Oct vel atang ka ti chho tan.


• i tih tirhin harsa i ti ve em?
- A har lutuk chu ka ti thei chiah lo a, a awl pawh ka ti thei chiah chuang lo. Mahse, trick thenkhat hi chu zir ve deuh a ngai thin, tih ngun ngai thil a nih avangin thiam intih tawk pawh a har. 

• Taksa sawizawina atana ti nge i nih, i tui/nuam i tih vang?
- A tirah chuan sawi tawh angin ka game khelh ah ka mamawh vang a ni a, mahse hetia han tihchhoh takah chuan a nuam ka tih vanga ti chho zel ka ni deuh ber mai. Tin, sawi zau deuh ta ila jump rope hi insawizawina atan a that piah lamah hian a challenging em em a, mahni kan inel a, rilru hah leh chhia a paih bo bakah, trick thenkhat hi zir thiam mai a harsat avang hian thinrim t(r)euh a awl hle, thinrimna te thunun anih loh chuan kan zirlai a thiam theihloh, kan thinrimna te thunun a kan trick zirlai kan zir thiam khan kan nitin hun hman naah insumtheihna kan neih phah a, insumtheihna nei turin min pui nasa hle a ni.
 
• Hriselna atan a ṭha em?
- Exercise lak leh Ruihhlo te hi thil kal kawp thei lo ani a, Tin, Jump Rope hi khawvel a Cardio exercise tha ber te zing ami a nih angin, a effective em em a, ruihhlo(ho te a kan ngaih entirnan kuhva,shikhar etc.te) nena tih kawp chi a nih loh avang hian hriselna ngaipawimawh tan chuan tha tak a ni. Hmun zimte a tih theih a nih avang hian Gym kal thei lo leh remchang lo te, pawn lama tlan chhuak thei lo leh tlan avanga injury nei thin te tan pawh injury risk level hi a hniam zawk avangin a tha hle, tin, 10minute Jump Rope leh 30min jogging hi a in equal niin mithiam te chuan an sawi nghe nghe. 

• Tunlaia hmeichhiate tuipui ber, 'pian siam nan' a ṭangkai em?
- Full body workout a nih avangin thau hlau te tan chuan a tangkai hle, kan taksa siam duh dan azirin Hmeichhia chauh nilo Mipa tan pawh zuandan chi hrang hrang a awm bakah taksa siamna exercise dang awlsam zawk a ti thei turin Jump Rope hian nasa takin a pui thei bawk. 


#Ngainat zawng:
• Rawng: Rawng hi chumi chu a nalh ber tia han sawi tur ka nei chiah lo, mahse a tlangpuiin a Dum(Black) ah hian ngainat zawng ka ngah. 
• Chawhmeh: Vawksa & Arsa
• Hmun: Hmun ngainat ber ka neilo a, Ka mi ngainat/hmangaih te awmna hmun apiang hi ka hmun ngainat chu ani mai.

• Mize ngainat zawng: Mahni mihringpui te zahawmna hria, Nun hlutna hria te. 

• Mize ngainat loh zawng: A pawi zawnga dawt sawi ching. 

relationship status -  Single

• Kawppui atana duhzawng
- Ka ngaihtuah ngai lem loh a nih vangin sawi vak tur ka hre lo nangin min zawh takah chuan han sawi dawn ila, a hmasa berah chuan Pathian t(r)ih mi, mi rinawm leh hawihawm, hautak lo bawk se chuan min hmangaih em em se a tha ah ngai mai ang.


• Ei zawnna lam:
- Ei zawnna kawngah hian hna nghet ka la neilo nangin, St Lawrence leh 1st MAP english school ah hian Taekwondo instructor niin ka thawk a, chu bakah chuan keimah hian Venghnuai Y.M.A hall hmangin Hnamte Taekwondo Academy hawng in ka enkawl bawk, hri avangin training erawh Y.M.A hall lamah chuan kan kal zawm thei rihlo, tunah chuan fimkhur tak chungin Tution pe in Taekwondo ka zirtir thin a, Academy hall nei thei ngei turin ṭan ka la mek bawk.



• Taekwondo leh nangmah:
- Taekwondo hi 2013 atang ka zir a, Sport Authority Of India (S.A.I S.A.G) Mission vengthlang atanga zir ka ni, hostel-ah awm in 2019 thleng hostel-ah ka awm ani, tichuan Taekwondo bikah hian Mizoram Champion Of Champions hi a zawnin kum 2019&2021 (2020 ah hian hri avangin kan inkhel theilo ani) ah ka ni a, title kawl lai mek ka ni , National medal pahnih bakah International medal pahnih ka la tawh bawk, Taekwondo Fight League 3 ah khan Best Fighter niin Armed Veng tan khelin kan Champion bawk, tin Lockdown avanga khawvel pum a buai hnuah online in elna rawn thar rawn chhuakin Speed kicking ah hian Asian Championship ah Bronze medal la in Global Speed Kicking a Mizoram atanga Gold la hmasa ber ka ni bawk. Tin, 2021 dec 17&18 a neih zawh tak ATA open Championship Black belt te chauh in elna ah khan speed kicking leh power breaking ah gold ka lak bakah High kick ah pet sang berin ka Champion bawk.


# EXPLOREMIZORAM.COM i hmuh dan:
- Tunlai Social Media kaltlanga hna thawk ah chuan a thawk tha ber te zing ami a ni, tlawh/en a hlawkthlak a, a en tu tan a lungawi thlak hle, mizo zingah hian talent nei tha tak tak sports a ni emaw zirna emaw eng kawng pawh nise promote phu tak tak an awm a ni tih hria a zawngchhuak zel thei tur leh hei aia nasa a mite hriat hlawh tur leh tangkai ni turin duhsakna sang ber ka hlan bawk e.







Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Post i hmuh dan

Post a Comment

3 Comments

  1. Amah hrim hrim hi a entawn tlak,a taimakna te hrim hrim hi,a puitling sia🤍Ka Ngaisang❤️

    ReplyDelete
  2. Mizo mipa taima leh entawn tlak tak a ni. Instagram a post te ka lo hmu thin a,a beih nasat zia a hriat a, a chhuan awm takzet

    ReplyDelete
  3. Ava han chhuanawm tak em,ani hi chuan Mizo te min la tih hmingthat chhoh zel ka ring tlat ani. Explore Mizoram te pawh inti tha thin hle mai, thalai te tana entawn tlak tak tak lo pho lang zel teh u����

    ReplyDelete

He post chungchanga i ngaihdan lo sawi ve rawh: