Aizawl | January 17, 2022: Hripui darh zel tur venna atan vawiin khan Aizawl khawpuiah hri kai leh kai loh endikna runpui, Random Test neih a ni a, positivity rate chu 14 deuh thaw a ni.
pic: DD News Mizora.
Random Test hi chawhma dar 11 atanga chawhnu dar 3 thleng khan Millenium Centre tualah neih a ni a, Rapid Antigen Test hmangin a duh apiang a thlawna sample endik sak an ni.
Vawiin hian mi 136-te sample endik atangin hri kai 19 hmuh a ni a, sample endik atanga hri kai hi zaa 13.97 a tling a, hri leng thununna hmuna ngaih Positivity rate zaa 5 chin chu nasa takin a khum a ni.
District Level Task Force on Covid-19, Aizawl District ruahmanna in January ni 17, 2022 atangin AMC huam chung puipunna hmun 5(panga) ah Covid-19 vei leh vei lo te endik/hriat nan Random Testing a kalpui ṭan.
• January 17 - Millennium Centre
• January 18 - Zion Street
• January 19 - Bara Bazar
• January 20 - Bus Terminal, Thuampui
• January 21 - Folkland Park, Falkland
ah te zing dar 11 leh tlai 3 inkarah Random Testing hi kalpui turin District Level Task Force chuan a ruahman a ni.
Post a Comment
He post chungchanga i ngaihdan lo sawi ve rawh: