Aizawl | January 19, 2022: Champhai DC Pi Maria CT Zuali January 13, 2022 a transfer order chhuak thut duh loh vanga Champhai District NGO Joint Meeting January 14, 2022 order sut tura ngenna chu sut a la nih loh vangin vawiin khan inhmukhawmin, Champhai Dc sawnna thupek hi sut a nih loh chuan Total Bandh huaihawt an tum.
Champhai district NGO ah hian NGO-CC, SYMA, MHIP Sub-Hq., MZP Headquarters, CTP, MUP Dist. Hq. MZI Hq., CNC leh CDDA te an tel a ni.
PRESS RELEASE 🚨
1. Dt 14.1.2022 (Zirtawpni) a Champhaia NGO hrang hrang thukhawmin Champhai DC sawn chhuak lo tura Mizoram sorkar a ngenna, vawiin thlenga tihhhlawhtlin a la ni lo hi pawi kan ti takzet a ni.
2. Sawrkarin kan thil phut vawiin thlenga a la tihhlawhtlin loh avangin hmalak zel dan tur hetiang hian ruahmanna siam a ni.
1) Ni 21.1.2022-ah Champhai khawpui chhunga dawr zawng zawng khar.
2) Ni 24.1.2022-ah kawngzawh huaihawt.
3) Ni 25.1.2022 ah sorkar pisa zawng zawng khar
4) Ni 26.1.2022-ah total bandh huaihawt leh Republic Day boycott.
3. Sorkar laka kan thil ngiatte Champhai District mipui tan a ni tih hriaa hma min lakpui turin Champhai District chhunga MLA te kan phut a ni.
4. Champhai DC Transfer order hi hemi hnua sut a la nih loh chuan na zawka hmalak zel tur a ni ang.
5. Kan hmalakna hi DC Transfer ngawr ngawr ni lovin dan lova thil titute leh dikna indona a nih avang leh dik lo taka sumdawngtute kuta kan khawtlang, ram leh hnam tlu lut mek chhanchhuahna tur a nih avangin Champhai District mipuite leh Mizo mipui zawng zawngte kan hmalakna min thlawp turin kan sawm a ni.
Post a Comment
He post chungchanga i ngaihdan lo sawi ve rawh: