Mizo society hian chhiat lam a pan chhan mêk ni-a ka hriatte

- K. Remruatfela
Secretary,
Mizo Reform Movement




1. Thalaite lifestyle/fashion/dress a changkâng ta lutuk.

2. Thalai intodelh, mahni leh chhungte châwm zo kan tlem hle.

3. Inngaihzâwn laiin kawppuite lakah neih nun hmel taka lana, a dera nun kan chîng.

4. An han innei ta chêng a, nihna a inthup sên ta si lova, sum leh pai chungchangah nupa inkâr a khi tan. 

5. Chutah innghhahna tlâk loh pasal an nei a ni tih an hriatin, nupuite an mangang, sum thawh chhuahna kawng an dap tân.

6. Sumdâwn bul tan turin thiamna tak tak an nei leh lawi bawk si lova, sum hui luh theihna ni-a an rin an hmuh theih ang ang an bawh ta huam huam.

7. Risk market ah thiamna bik nei miah lovin an zuang lut, pawisak a tlem tial tial a. Rangkachak leh thil dang eng ila tawlh mai hreh lohna a hring chhuak.

8. Pasal ten an hriatpui lova an nupuite sumdâwnna kawngah thui tak an tlân a, lei ba tam tak an nei a ni tih an hriat chhuah meuh chuan a lo tlai zo ta thin si a, nupa inkar a buai ta tak zet!

9. Chu chuan nupa inthenna a hring a. Kum tin Court-a inthen dilna lehkha rawn dil ringawt pawh 3000 bawr vel an awm ta ziah mai. Court thleng lova inthen eng zât tak awm ang maw!

10. Inthenna chuan fahrah a siam a, nupa kâra seilenna reng rengah sual kawng zawh a awlsam bik thin.

11. Chu chuan a tawpah ruihhlo bawihah thalai tam tak a hruai lût a. Ruihhlo kaihhnawiha man, ND&PS case ah ringawt pawh kum tin 5000 dâwn ziah luh tur a awm ta hial mai.

*Hetiang teh nuaiha kan society a chhiat tâk chhan bul ber chu eng dang ni lovin kan sum hai luh phu lova kan khaw sak phung a changkân luat vang a ni ber a. Kan society hi kan tu leh fa te tâna chênna tlâk a lo nih zel theih nan mi tin te hian 'Simple living and High thinking' hi a takin i nunpui thar theuh teh ang u...*

Post a Comment

0 Comments