Zirtirtu, mahni Post-a awm tha duh lote hi an post-a an awm theihna'n CYMA-in hma la rawh se - YMA
Aizawl | December 16, 2021: Young Mizo Asssociation (YMA) general conference vawi 73-an R Dengṭhuama Hall, Aizawl-a neih mekah Central YMA president thar atan R Lalngheta thlan tlin a ni.
Central YMA president thar atan R Lalngheta, Hlimen thlan a ni a, President thlannaa vote tla zawng zawng atangin vote zaa 58.20 a hmu a ni.
Vice president atan vice president ni lai Tlangval Lalhmachhuana a tling bawk.
General secretary atan general secretary ni lai Prof Lalnuntluanga thlan tlin nawn a ni.
Asst.Secretary atan Prof.Malsawmliana, Treasurer atan Fabian Lalfakawma, leh Fin,Secretary atan Roneihthanga te thlan tlin an ni.
Kum 2021-2023 chhunga Central YMA hruaitu tura vawiina thlan thar te : President R Lalngheta; Vice president Lalhmachhuana; General secretary Prof. Lalnuntluanga; Assistant Secretary Prof. Malsawmliana; Treasurer Fabian Lalfakawma; Finance Secretary Roneihthanga.
Kum 2023 General Conference thlengtu- Ballot paper hmanga thlan a ni a Manipur Group YMA - Churachanpur nghat tura thlan a ni.
ROREL AGENDA
Rorel Palai Zat - 1484
A. YMA KHAWIH
1. "Ruihhlo chungchangah Sorkar/Kohhram/Pawl dangte sawmin inzirtirna nasa zawk kalpui ni rawh se" tih chu pawm a ni.
2. "YMA Member tinah Endowment Fund ₹ 5/- khawn nise" tih chu tuna kan sawihona hi a tawk e tih a ni.
3. "C.YMA Building sak mek chhunzawmna atan YMA member ten Donation thawhkhawm ni rawh se" tih chu pawm a ni.
4. "Zirtirtu, mahni Post-a awm tha duh lote hi an post-a an awm theihna'n CYMA-in hma la rawh se." tih chu pawm a ni.
B. SAWRKAR KHAWIH
1. "Mizoram ramri hi sawrkarin a rang lama chinfel dan ngaihtuah rawh se." tih chu pawm a ni.
2. "Zirna sikulah Mizo hnam Lam zirtir a nih theih nan Sawrkarah thlen ni rawh se." tih chu pawm a ni.
3. "Kan ram chhung thei phun uar tura Sawrkar nena ṭang duna hmalak ni rawh se." tih chu pawm a ni.
C. Y.M.A DANBU ENNAWN
Dan Bu Kum 5 dana ennawn tura tih chu kum 2020 kha a hun chiah a ni a. Kum 2020-ah Rorel Inkhawm kan neih theih tak loh avangin kumin 2021-ah pharh a ni. YMA Dan Bu ennawn hi rem tih a ni a. Kum 2022 Rorel Inkhawma pawm atan chhawp chhuah tur a ni ang.
D. KUM 2021-2023 KUMPUAN THUPUI
"Ram leh Hnam Humhalh"
E. Kum 2023 General Conference thlengtu- Ballot paper hmanga thlan a ni a Manipur Group YMA - Churachanpur nghat tura thlan a ni.
Thlen dilte:-
1. Chhimtuipui Group YMA
- Siaha-ah
2. Khawbung Branch YMA
- Khawbungah
3. Manipur Group YMA
- Churachanpur-ah
4. Biate Branch YMA
- Biate-ah
5. Bilkhawthlir Jt. YMA
- Bilkhawthlirah
🇾🇪🇾🇪🇾🇪🇾🇪🇾🇪🇾🇪
Post a Comment
He post chungchanga i ngaihdan lo sawi ve rawh: