Mizo film thar 'Nukawki Pasal - Keimah Zabilha Tawngtai dam thei!' kan hmu hnai!

Aizawl | December 22, 2021: Mizo Film thar tur, 'Nukawki Pasal - Keimah Zabilha Tawngtai dam thei!' chu kan hmu hnai niin thu dawn a ni.

Thudawnnainna tarlan danin, He film thar tur hi ngawrh takin shooting an nei chho mek zel a. Mizo Film Award 2021 Best Actress dawngtu Rosangpuii Ralte leh Best Supporting actor dawngtu K Vanlalawmpuia te an chang dun.

He film siamtute hi Mizo Film Award 2021 Best Picture dawngtu 'Dengi I Love You' film siamtu Conflate Video Production te bawk an ni a. Audio lam background score pawh,  EFX Audio bawkin a khawih leh dawn a. 'Dengi I Love You' ang bawk khan, Mizo original Background music vek hman leh a ni ang.

Thingtlang Tlangval star - Rosangpuii Ralte hian, Comedy a chan vawikhatna  tur a ni dawn a ni. He film hi Lailen ten an produce sak dawn a ni.

Mizo Film thar tur, 'Nukawki Pasal - Keimah Zabilha Tawngtai dam thei’  hi ngawrh takin an shoot leh mek a.  Screenplay hi B Lalbiakvela ziak niin Director a ni bawk a. Ngaihawma Fanai chu Director Of Photography a ni a. Audio leh Background Score (Background music) hi Mathana EFX Audio in a khawih leh dawn a ni. 

Sawi tawh angin, He film chang tur hian Dengi I love you a a changtupa ṭhianpa lema chang  K Vanlalawmpuia (Lalawma) khan leading role a play ang a. Tin, a changtunu lamah Nukawki lemah Rosangpuii Ralte a chang dawn a. Tin, 'Dengi I Love You' film a zu zuarnu lema chang Laltleipuii Punte khan Suporting role a play ang.

A thawnthu chu:

Nukawki leh Zabilha hi nupa an ni a. Nukawki hi thingtlang nula hmeltha mawl tawp a ni.  Inti khawpui tlangval lung mistiri Zabilh’an a bum vanga in nei ta an ni a. Fa pahnih neiin chumi te chhungkaw story chu a ni dawn.

Zabilha hian vanram te han fangin, Tawngtai dam thei ah a in chhal a. Awih tawk an lo awm. A lar chho zel a, Politician hovin an party zawm tur ten an thlem hial a!

Nukawki (Rosangpuii Ralte) chu thingtlang nula hmeltha tuai nguak mai, ngawichawi leh mahni fel fel a fel tawp. Mawl ve tek tawk tak a ni. Zabilha lung mistiri, dawthei bawk si kha, Nukawki te khua ah, mi contract hnuaiah mistiri in a zuk awm. Thla thum hnu ah Zabilha’n a bum thlu ta. An innei hlawl!

Nu a nih hnuah Nukawki zia a dang chho. Sahdah a heh si, a dah duh dah si. Fa pahnih an nei ta. Zabilha’n chhungkaw rual nih ve a chak, fa neih tam a duh. A nupui a hmeltha bawk a, a chak deuh huam reng bawk! Nupa nun hman pawh Zabilha hian nuam a ti thei hlu hlu. In danna ei loh chuan,  Nukawki’n chhuanlam a siam ziah thung. Nukawki hi nau har chi a nia. Fa pahnih bak chu a huphurh si. Ngaihdan inang lo nupa, Covid 19 vangin lockdown mai bakah Home quanrantine an ni zui!

Mi rethei leh hausa in lockdown an tawrh dan a inthlau, Mizo kristianna, Politics, Nupa nun chhungril, zep si lova, naupang en him tawk tura duan a ni.

Nukawki hi Nukawki tih a ni tawp mai. A hming dik tak hi a sawi duh lo. A voter ID leh Aadhaar card-ah chuan a hming dik tak a inziak. Mahse, Ration card-ah Nukawki a inti tlat. Zabilha'n vanram a fang!

"Dengi I love you ka ziak lai ang mai khan a mood ah ka cheng thin." tiin a ziaktu B Lalbiakvela chuan a sawi a, "Nukawki - Lalhmingliana Saiawi (R.I.P) nghilh loh nan a hming ka hmang a ni." a ti bawk.

'Nukawmi Pasal - Keimah Zabilha Ṭawngṭai dam thei' hi Mizo culture, sakhua leh Politics virvel ril leh mawi taka zehna, Nupa nun chhungril zep lova a thawi zawnga naupang en him tura tarlanna film nuihzathlak tur a ni.

Mizo film thar hmuhnawm tak hi 'Lersia Play' ah kan hmu thuai tura ngaih a ni.