Ticker

10/recent/ticker-posts

KUHVA + KAN DC + DAN BAWHBEH

- Ramengawia Ramboss

Pi Maria-i do pawl leh a lamtangah kan phel phawk chu a ni ber a- a lehlam lehlamin sawi tur kan ngah tih pawh a hriat.




Ngatinge thalai tam takin kan DC kan tan:
A chhan ber nia ka hriat chu dan bawhbeta sumdawnna hi hmua hretu kan ni a, hma la ngam sorkar mi leh sa leh khawtlang pawl hrang hrang hruaituah rilru in a dap ru a, che chhuak ngam si lo, chet chhuah ngai tisi a kan insawh kan insawh laiin Pi Maria-i a rawn lang hlawl a, kan rilru ang pumi tan chuan a tanawm ve em a ni. Heti taka do ngam hi midang pawh awm se kan tan tho ang, Pi Maria-i mimal hrim hrim kan tanna ai chuan awmze nei phak in a do ngamna lai zawk hi a rau ril lai chu a ni.

Sumdawng Hausa te kan thik em?:
Hausa hrim hrim hi inthik chi pawh a niin ka lo hre lem lo- dik taka hausa leh hlawhtlingte phei chu naupang zawkte fuih phur na'n kan hmang zawk thin. Tuna sum ngah thar viaute hausak dan hi khua leh tui tha nitura nitin zirna in atanga chhum hmin te tan chuan lem a har a, kan pai trawih thei ngang lo chu a ni. A phena inphumru (hei hi special bag ka sawina a ni lo, a aia ril, hlauhawm leh pawi) nia kan hriat hi a dik phei chuan rambuai ai khan a la buaithlak ang- sum lampanga a hlawk dan chiah hmutu tan chuan kuhva sumdawnna hi thih thaa vawn tlak pawh a ni ang, mahse kil hrang hranga a rahchhuah tur rilru fim a hmu duhtu leh hmuthiam tan chuan thih thaa do a ngai ve ta bawk anih hi!!!

Ngatinge Thalai Lehkhathiam Ten An Do:
Tuna kuhva a sumdawng tam tak hi mi inchhiarzau leh khawtlang nurawn/parawn ni lem lo an tam a- an sumdawnna ber kuhva chungchangah pawh han zawh thui tlak an awm meuh lo(min hrilh tha duh lo te anih ngawt loh chuan). A hlawk tih an hria a, pawisa an ngah telh telh a pawisak an nei lo telh telh thung a- an sumdawnnaah hian anmahni humtu mi thiltithei an awm tih an hria niber hian a lang, an sumdawnna ber hrechiang lo mahse a rate leh midang eizawnna an siamsak nasat thu erawh an sawi thui thei viau.
Mexico, Pablo Escobar tih hmingte lamri a kan tehkhin fo hian ngaih a titha lo tawh takzet a, tuna dan loa sumdawng zawkin FIR an thehlut phei hi chu kil hrang hrang atanga uluk zawka zirchian tlak a ni.
Colombia-ah pawh a tir lamah chuan ALU kha ania an hausak pui(hei chu lo chhiarzau ve tawh mai r'u). A pawia kan ngaih loh hi a pawi dawna a lanchian telh telh vang hian ania inchhiarzau thei leh peih deuh pangai chuan he sumdawnna hi kan thlawp theih loh. 
A sumdawnga te ngei pawh hian nangmahniin inchhiarzau thiam lo anih pawhin midang thiamna tal han ruai ve chhin teh u- a tha zawnga a nghawng leh a chhe zawnga a nghawng theih hre ve ve in han buk ve chhin ula- chuta in la chhunzawm duh anih chuan in thu thu a ni lehzual tawh mai(A nghawng pawi tur thlir phak lo leh duh lo an tam emai)

THALAI KAN HARH ANGAI:
Pawl zahawm leh rintlak nia kan ngaih leh kan thlamuanpui em em thin te an phum bo ta emaw tihtheih turin an thawm a dai hneh em em a- 
Man a, dik taka dan lek kawhtu tura kan ngaih ten an thawhtur a  thawk em tih chu anmahni zawh ai mahni inzawh mai a fuh hmel leh zel a. Kohhran meuh pawh hi hetiang sumdawnna hian a ko hrang tu atang a ko hrang lehchhawng ta mai em ni tih rum rum tur a ni!
A inchhiarzau thei leh thiam te khan tun ai nasain keimahni zawn theuhah nasa zawk leh awmze nei zawkin tan han la thar teh ang u- heti ringawt chuan a dik dawn lo- 

Heti tak maia dan a lal lohna leh palzuta bawhbeh ani hi amak a, kan tu leh fate'n an hmuha an thanlenpui atan chuan a pawi tih bak sawi thui tur pawh ka hre lo. 

Awmze neiin thalai te kan thanharha kan chet angai- 
Ram inthlanpui thleng ala nghawng anga, a rolreltu zingah anmahni leh an thawhpuite ngei an awm zel lo anih chuan kan vannei hle-ah ka ngai ang-

Mizo thalai te thinlungah hian THALAI a la tam tih ka hria-
Champhai chauh hi min nghawng tawh lo ania, Mizoram hian tanpui turin a au kher lo che anih paw'n PUIH I NGAI EM tih ve hrim hrim hi a leilung fate hian kan ba a ni🙏🙏🙏
Post i hmuh dan

Post a Comment

1 Comments

  1. I ziak tha lutuk tlat. Entrepreneur Hausa ta hi tuman an thik kala hrelo. I sawitak ang khian Zirlaite cho phurtu atan Institution hrang hrangah sawm anni fo thin zawk. He Kuhvarah avanga nakina kan Ram economy, ralmuanna leh thalaite hmakhua tlusawp thei reng hi a ngaihna hria tlemte ten kan veia kan sawilan fo loh chuan, "a nih nih kanni ang" tih hun a thleng anga, hnamdang hmusit leh hlauhrawn ah Mizoram hi kan chhuah der thei tlat.

    ReplyDelete

He post chungchanga i ngaihdan lo sawi ve rawh: