Instagram-ah BTS member ten mimal account hawng; Army an lawm, BTS thlipui tleh, followers an ngah chak hle!

Aizawl | Dec 6, 2021: South Korea Boy Band BTS chuan vawiin khan chanchin lawmawm tak neiin member 7 te Jungkook, Jin, J-Hope, Jimin, V, Suga leh RM te chuan instagram ah mimal in personal account an hawng.


He thu hian Mizo ṭhalaite a barakhaih hle a, an lawm a, an ri chung a ni ber mai. BTS Army an lawm a, an ngaihsan te an han follow sup sup mai chu Instagram-ah BTS thlipui a tleh a ni ber mai.


South Korea Boy Band, BTS hian rimawi khawvel an awpbet hneh hle a. Music Industry mai bakah Social Media platform thleng pawh in an lar hle a ni.
 
December 6 ah an Agency Big Hit Entertainment chuan thuchhuah siamin, BTS hian Los Angeles khawpui a 2021 Jingle Ball Tour an neih zawh atang in hun eng emaw ti chhung chawlh an neih tur thu an puang.




Record Label hian eng chen nge an chawlh dawn tih chiang takin an tarlang tel lova, hei hian an fans Army te a ti lungngai hle. Amaherawh chu thuchhuah an siam zawh atang reilo te ah chanchin lawmawm tak neiin member 7 te Jungkook, Jin, J-Hope, Jimin, V, Suga leh RM te chuan Social Media lun ber pawl Instagram ah mimal in personal Account an hawng.


Hei hi chawlh an neih dawn vang a ni a, an chawlh chhungin an chanchin tharlam an tarlanna tur a nih hmel. Member ten Account an neih thu a darh hnu hian Instagram ah BTS thlipui a tleh huk a ni ber.


ET in a tarlan dan in BTS te hian mimal a Instagram Account hawn atang darkar tam a liam hma in mataduai 1 Followers an nei hman vek a. An zingah Kim Taehyung (V) chu maktaduai khat followers hmu rang ber niin darkar 5 ai rei lo ah 10 Million zuitu nei tling in Jennifer Aniston in record a siam darkar 24 a follower a hmuh hnem 8.7 million chu a rawn khum nghal der.

fiamthu post darh chu..



Followers hi a danglam reng vangin a zat chhiah tarlan mai theih a nilo a, tuna i chhiar lai mek pawh hian pun lam a pan chho zel. BTS’ official Instagram account hian tun ah hian 53 million followers a nei mek bawk. Tun hi Band Member ten an debut tirh atanga Instagram private account an neih hmasak berna a ni.

Agency te thuchhuah atang a landanin kum 2022 chawhma ah an kir leh beisei an ni a, bul tan thar in album thar leh concert nen an fans te an awi tlei leh ang.

With Input from - Mizo Elite News!



EXPLORE MIZORAM telegram channel join ve rawh


Post a Comment

He post chungchanga i ngaihdan lo sawi ve rawh:

Previous Post Next Post