Ticker

10/recent/ticker-posts

An chan zawh hmaa a changtupa-in a boral san 'Lunghlu' film naktuk-ah tlangzarh dawr

Aizawl | December 10, 2021: Mizo film thar tur, an chan zawh hmaa a changtupa berin a boral san 'Lunghlu' chu December 22 hian mipui en theih tura tlangzarh a ni dawn ta.


'Lunghlu' film-ah hian Sangliana Thahdo leh Melody Punte an chang dun a, a film OST hi he film a a changtunu ber Melody Punte nau, Mizoram zaithiam lar Stacy Punte in nalh takin a sa a ni.

OST:


He film hi Johan Pautu (StudioMafi), David Zawma, B. Mali, Victor  School Of Music neitu C Lalnunpuia leh Aerial videographer; Hmangaihhlua te tangkawpin an buatsaih a ni. Anni thianho intélkhawm hian mi dang rawihin film Competition pahnih laia pakhatna dinhmun an luah hnuah, tunah hian anmahni kutkawih ngei an puitlin ta a ni.


He film a changtupa ber Sangliana hi shooting kal mek laia a boral thut avangin hun rei tak shooting pawh a khaihlak phah a, an ruahman hunah pawh an ti chhuak vat thei ta lo a ni. 

Sangliana hi tunlaia Mizorama an shoot mek Bollywood film-a chang tura thlan zingah a tel a, a chang hman ta lo a ni.

Sangliana hian damlai khan 'LUNGHLU' ah hian zaa sawm sarih (70%) vel a chan hman avangin, a thara shoot tawh lovin, a kalphung her rem hlekin a awmloh hriat miah loh in a khâwr pum ta a ni.


Lunglei Bazar Veng tlangval football lama Lunglei chauh ni lo Mizoram ai lo awh hial tawh Sangliana Thahdoh in a damlaia a chan, an zawh fel hma hret a vanduaithlak taka a thih san tâk film 'LUNGHLU' chu December 22 hian tlangzarh niin, December 27 aṭangin Lersia Play ah en theih a ni dawn ta!

Mizo mil em em leh ninawm tih tur awm miah loh na; LUNGHLU Film buatsaihtute hian "He film hi amah Sangliana hriatreng nan kan hlân a ni'' an ti.

He film tlangzarh tur hi a ṭhiante leh laina hnaite mittui kotu a ni mai ang em? tih chu mi ṭhenkhat zawhna a ni a. Eng tin nge chan zawh loh chu an rawn tih tawp tak i lo thlir ang hmiang?



Post i hmuh dan

Post a Comment

0 Comments