Tanhril Mualkhang rama SIPMIU-in Water Treatment Plant a siam mekna Restricte Area-ah puang

Aizawl | November 02, 2021: CrPc 1973 Section 144 nain thuneihna a pek angin Aizawl DC Dr.Lalhriatzuali Ralte chuan October 29 khan hetiang hian khapna thupek a tichhuak:-

1) Tanhril Mualkhang rama SIPMIU-in Water Treatment Plant siam hna hi tluang taka thawh a nih theih nan te, accident thlen palh theih laka him nan leh COVID-19 hri inkaidarh palh theih venna atan, SIPMIU Water Centre, Mualkhang, Tanhril huam chhung hi thu leh awm hma chuan Restricted Area-ah he thupek chhuah atang hian puan nghal a ni.

2) A chunga tarlan Water Treatment Plant Restricted Area huam chhungah Sawrkar thil tula duty emaw, SIPMIU-in phalna a pekte emaw ni lo, midang tan luh khap tlat a ni.

3) He thupek bawhchhia chu IPC Section 188 hnuaiah hrem theih a ni ang.

4) SIPMIU hian a chunga Water Treatment Plant Centre fencing leh gate-ah te langsar takin Restricted Area tih hriattirna Signboar an tar ang.

5) He thupek hian chhuah a nih atanga thla hnih chhung a huam ang.