SABA Men Champiomship India team-ah Larina Renthlei tel dawn

Aizawl | November 8, 2021: SABA Men Champiomship India basketball team-ah Mizoram atangin Larina Renthlei tel dawn.


November 15 - 20 chhunga South Asia Basketball Association Men Championship 2021, Dhaka, Bangladesh-a neih turah India Basket ball teamah Lalrina Renthlei a tel.

Lalrina Renthlei chuan, "a hmasa berin tun dinhmun min hruai thlengtu Pathian lo ropui ber se. Min supporttu te zawng zawng chungah lawmthu ka sawi bawk a, Mizo infiammite tan chona thar lo ni se ka duh. Taimakna leh tumruhna nen chuan thu tak a thlen theih. kei pawhin ka theih chuan in thei vek a ni." tiin amah ngainatute leh infiammite a chah.

lalrina Renthlei hi India Basketball team-a Mizoram mi tel pahnihna a ni. Kun 2005 khan Senior Men team-ah hoan H Laldinsanga (mapuia) chu a tel a, kum 16 hnu-ah Mizo a tel leh thei hi MBBA leh Mizorama basketball ngaintute tan chuan a hlu hle a ni.


Lalrina Renthlei hi sports lam ti thei tak mai a ni a, basketball bakah hian Snooker & Billiard-ah Mizoram ai a lo awh zak zak tawh bawk a ni.


He championship-ah hian Sri Lanka, Maldives, Bangladesh Nepal leh India te an tel dawn a ni.

Post a Comment

0 Comments