India president-in Padma chawimawi 141 sem chhuak; Mizo Journalist hlun Lalbiakthanga Pachuau-in Padma shri dawng


Aizawl | November 8, 2021: Vawiin khan President Ram Nath Kovind-a’nkum 2020 atana Padma chawimawina hrang hrang dawngtura thlan chhuahte hnenah chawimawina a hlan a, Union Minister hlui Arun Jaitley, George Fernades-a leh Sushma Swaraj-ite chu an thih hnuah Padma Vibhushan hlan an ni a, zaithiam Pandit Chhannulal Mishra hnenah he chawimawina hi hlan a ni bawk.

Lalbiakthanga Pachuau in India president hnen atangin chawimawina a dawng

Mizorama chanchinthar lak hawmtu Journalist upa ber leh thawk rei ber, Prominent Journalist Pu Lalbiakthanga Pachuau (94) chuan vawiin khan President Ram Nath Kovind-a hnen atangin Padma Shri Award (Literature & Education) a dawng. Amah hi kum 94 mi niin ram chhunga working Journalist zinga upa ber a ni bawk a ni.

C Kamlova

Vawiina Padma chawimawina dawngtu zingah hian Pu C Kamlova pawh a tel a, Literature and Education sectionah chawimawina hi a dawng a, Hindi tawng chawilartu leh Mizo-tawnga  dictionary siamtu a ni a, lehkhabu pawh thahnem tak a ziak bawk a ni.

Prominent Journalist Pu Lalbiakthangan chawimawina a dawn chung changah hian Mizoram Journalists' Association General Headquarters chuan thu chhuah siamin an journalist pui, Pu Lalbiakthanga Pachuau in India rama civil mi, ram lehkhawtlang tana hnathawkleh mi chhuanawm bikte chauhin an dawn phak chawimawina sang a dawng chu an chhuangin an ngaihlu tak zet tih an sawi a.

Pu Lalbiakthanga Pachuau chu an journalist pui a nisa tliah mai lova, MJA General Headquarters president term thum (kum 1985 atanga 1986, kum 1989 atanga 1990 lehkum 1991 atanga 1992 ni tawh; vice president term hnih leh secretary term khat a chelh tawh tih an sawi a. Pu Lalbiakthanga Pachuau chukum 2014 khan MJA General Headquarters chuan 'Prominent Journalist' ah a puang a, kum 2016 khan Mizoram sawrkar chuan 'Prominent Press Representative' panga a puan zingah tel lehin, hemi kum vek hian Mizoram Press Accreditation Committee chuan 'India rama working journalist upa ber' ah a puang a, tun thlengin India ramah amah aia upa working journalist zinga puan a nihna hnial tu an awm lo a ni.


Padma chawimawina hlanna inkhawm hi Rashtrapati Bhavan-ah neih a ni a, Arun Jaitley-a aiawhin a nupui Sangeeta Jaitley-i’n a dawng a, Sushma Swaraj-iaiawhin a fanu Bansuri Swaraj-i’n a dawng a ni.

Badminton khel thiam, PV Sindhu-i’n Padma Bhushan a dawng a, Padmi Shri dawng zingah zaithiam, Adnan Sami, ICMR head scientist thin, Dr. Raman Gangakhedhkar, Environment humhalh kawnga thawh hlawk tak, Himmataram Bhambhu-a leh hmeichhe hockey team captain, Rani Rampal-ite an tel a ni.
 Tun tumah hian Padma Vibhushan 7, Padma Bhushan 16leh Padma Shri 118, a vaiin Padma chawimawina 141 sem chhuah a ni.


EXPLORE MIZORAM
email: admin@exploremizoram.com

Post a Comment

0 Comments