RT-PCR Laboratory bun phutin Lunglei-ah total bandh huaihawt tum

Aizawl | November 3, 2021: YMA Sub Hqtrs Lunglei kaihhruaia Lunglei NGO hrang hrang nizan dar 7:00 a  thukhawm chuan,  Lungleia RT-PCR Laboratory bun a nih leh nih loh tunkar chhung ngaihchan ni se,  hmalakna a awm loh chuan karleh Thawhtanniah Total Bandh huaihawt nise an ti.

Sub Hqtrs YMA kaihhruaia NGO hrang hrang,  September ni 22 a thukhawm chuan,  October thla chhung ngeia RT PCR Laboratory hman theih tura bun fel turin Sawrkar an lo phut tawh a.  Laboratory hi tun thlengin hman theih tura bun fel a la ni lo a ni.