• MZP president thar - Lalnunmawia Pautu
Aizawl | October 4, 2021: Mizo Zirlai Pawl (MZP) chuan vawiin khan Vanapa Hall, Aizawl-ah Assembly vawi 65-na hmangin hruaitu thar an thlang a, an pawl president thar atan Lalnunmawia Pautu an thlang.
MZP inthlan-ah hian kum 2021 - 2023 chhunga MZP general headquarters, Aizawl hruaitu tur thlang a, president atan lalnunmawia Pautu thlangin, vice president atan Andrew F Lalramnghaka, General secretary atan Jacob Lalmuanpuia, Assistant general secretary atan Chinkhanmanga Thomte, Treasurer atan Sanghmingthanga, leh finance secretary atan Lalhuapliana an thlang bawk.
MZP Assembly rorel palaite chuan, MZP sub - headquarters Hnahthial chu headquarters ah hlankai niin, MZP Headquarters, Hnahthial tia sawi leh hriat a ni tawh dawn a, MZP chuan kum 2022 ah Zofest buatsaih ngei an tum a, Career awareness campaign buatsaih an tum bawk a ni.
Post a Comment
He post chungchanga i ngaihdan lo sawi ve rawh: