MZP - in COVID-19 vanga harsatna tawk mek Mount Carmel School ṭanpuina hlan

Aizawl | November 23, 2021: Mizo Zirlai Pawl General Headquarters Aizawl chuan nimin khan COVID-19 vanga harsatna tawk mek Mount Carmel School tanpuina an hlan a, Mount Carmel School zirlai COVID-19 positive vanga inenkawl mekte ei tur leh mamawh hrang hrahg an hlan.


MZP hruaitute hi an president Lalnunmawia Pautu hovin Mount Carmel School-ah ṭanpuina; Alu bag 1, Artui  box 3, Biscuit boxe 2, Buhfai 3, Dal bag 1,Frooti box 5 leh inbualna sahbawn tam tak bakah Pawisa fai cheng sang nga an hlan.


Mount Carmel School zirlai COVID-19 positive awm mek te hi mi 190 niin, mipa 99 leh hmeichhia 91 an ni a. Heng zirlaite bakah hian an hostel warden 5 in an vei bawk niin thudawnna chuan a tarlang.

MZP chuan thuchhuah siamin, Zirlaite'n hripui vanga harsatna an tawk chu pawi an tih thu sawiin, hrileng laka damna changa an zirna ṭha taka an chhunzawm leh ngei an duhsak thu an tarlang a ni.

Mount Carmel School zirlaite hi thuneitute remtihnain an hostel-ah enkawl mek an ni.

"Mizo Zirlai Pawl ten kan harsatna tawh hria a, hetianga ngaihsakna leh hmangaihna kan zirlaite hnena an rawn lantir hian kan thla a ti muang tak zet a. Naupang hrikai te pawh dam leh thuai turin duhsakna an hlan tel bawk e," tiin Mount Carmel School chuan thuchhuah an siam.

Post a Comment

0 Comments