MSU-in dik lo taka 'Kamlova Chhangte' hminga tribal certificate pekchhuah sut turin thuneitute ngen

Aizawl | November 23, 2021: Mizo Students Union (MSU) chuan vawiin khan Aizawl DC-ah Kamlova Chhangte tia inchhal hminga tribal certificate dik lo pekchhuah sut turin an ngen.


Mizo Students’ Union (MSU), General Headquarters, Aizawl chuan ni 27 June, 2018-a Deputy Commissioner (DC), Aizawl District Judicial Branch Scheduled Tribe Certificate Regd. No.CCC15030036113 of 27th June 2018 a tihchhuah Kamlova Chhangte s/o Thangchhuana Chhangte, į¹¬huampui, Aizawl chu Mizo Customary Law (Mizoram Gazette Extra Ordinary No.XXXIV) a tarlan angin Mizo hnamah pawm thei lovin vawiin ni 23 November, 2021 DC, Aizawl hnenah Kamlova Chhangte s/o Thangchhuana Scheduled Tribe Certificate nihna hi cancel turin ngenna lehkha a theh lut. 

 

MSU chuan, "kan hnam a lo him zel theih nan Scheduled Tribe Certificate nei thei tura hriatpuina pe theite chu tun hnuah chuan fimkhur taka kalpui turin a ngen a ni." tiin thuchhuah siamin an tarlang.




Dik lo taka pekchuah tribal certificate hmanga Mizorama contactor ni ta 'Kamlova Chhangte' nia inchhal hi hnam dang niin, a nupui Mizo a ni. Hetia dik lo taka tribal certificate pekchhuah a ni hi MSU chuan an pawm thei lova, an dodal a ni.


Post a Comment

0 Comments