Aizawl | November 28, 2021: Mizoram Youth Commission (MYC) leh official partner North East Wave (NEW) te tangkawp in MYC Perhkhuang winners 2021 te leh Mizoram Cultural band tha ber Sound from the hills te chu thawhho tir in , Cherry Blossom Festival 2021, Shillong, Meghalaya ah a vawi khat nan a tir chhuak.
Mizo ṭhalai inlante hian lawm an hlawh hle a, mipuiin an ngaisangin an perform ṭha hle a ni.
India a music festival lian ber "Hornbill" Nagaland ah pawh December ni 7 hian an perform chhunzawm ang a. Winners te hi nakum lamah AR Rahman convervatory of music te leh Task force for Music and Arts (Tafma) Govt of Nagaland te nen mentorship training neih pui tum an ni in, hmalak tum na hmachhawp a tam hle a ni.
Kumin Cherry Blossom ah hian Indian Council for Cultural Relations (ICCR) team ang in perform na slot hi an chang a, a program ah hian his excellence, Mr. Satoshi Suzuki ambassador of Japan khuallian ah a tangin, Mizo thalai te performance in a beng leh a mit a ti tlai hle a ni tih hriat bawk a ni.
MYC Chairman Dr. Vanlaltanpuia'n ṭhalai te tan hmathlir thui tak a neih rah kan chhawr tan mek zel in, Tourism department in phal tak mai a beraw tlang hall ah rehearsal te neih min phal sak a an lawm hle a ni.
Post a Comment
He post chungchanga i ngaihdan lo sawi ve rawh: