Mizo film thar 'Comrades' chhuak hnai

Aizawl | November 15, 2021: Mizo film thar 'Comrades' chu a chhuak thuai dawn niin EXPLOREMIZORAM.COM chuan thu a dawng.

Thu dawn danin Comrades hi Nuna Hrahsel-in a siam niin, a thawnthu ziaktu pawh amah vek hi a ni.

Teaser: 

He film hii darkar hnih bawr vela sei tura ruahman niin, Nuna hrahsel hi director niin, Producer chu H Lalhmingsanga a ni thung. Vairengte leh a chhehvelah chan a ni a, Kolasib district chhung a lang nasa hle dawn nia rin a ni.

Mizo film thar tur hi tun thla tawp lam hian a chhuah hman beisei a ni a, Lersia Play kaltlanga tihchhuah tum a ni.

lHe Film OST hla thar hlak a nei  a, tunlai zaithiam lar Siampuii Ralte in sain, a hla hi Hmingte Chhangte, Mizo Idol, Kum 2017 Top 3 phuah a ni thung.

OST:

A film kalphung tlem a zawng:

He film hi ṭhalai rual leh ṭhalai nun tarlanna a ni a, Nula pakhat saruak thlalak tih darhsak chiam a nih hnu chuan, a thla laksaktu leh a bialpa hlui ni bawk Zion-a chu rinhlelh leh puh hmasak ber a ni nghal a. Zion-a chu thilsual ti tu a nih leh nih loh ah an buia a. Hetah hian thil tisualtu a ni lo tih finfiah tur leh dik lo taka thiam loh chantir a nih lohna turin a ṭhian te (Comrades) chuan hma an lo la ve bawk a ni.

He film-ah hian Vairengte ṭhalai ṭhenkhat an inlan dawn bakah Champhai lam nula pawh a inlan dawn a, Aizawl North College miss Pragati Chhetri leh runner up Angelee Lalrotluangi te pawh an inlan dawn a ni.

He film tihlu leh tihmuhnawm zual turin Zonu huaisen Pi Rinmawii a inlan dawn a, a dan pangngai ang bawkin zial a pet leh vang em i lo thlir ang!

A changtu ṭhenkhatte chu; Zohmatea Chinzah, Angelee Lalrotluangi, Pragati Chhetri, Puia Zadeng, Awma Zadeng, Gilbert Colney, Neny Tlau, Clancy Sailo, Ricky Lalhmingsanga, Chalrokhuma, Solomon Laltluangkima, Angela Hmingthantluangi, K. Lalchhanhima, Jenny Siakeng leh Vanlalmuanpuii Ralte te an ni a.

Pu Anggu Lalhmachhuana chu he film buatsaihna atana mi pawimawh tak mai a ni.