Aizawl | November 11, 2021: Vawiin hi Mizo Chelsea Supporters' Club kum 10 dinchamphaphak a ni a, he ni pawimawh takah hian Mizo Chelsea Fan te chuan kum tin an tih țhin angin midang tana luangchhuak zawngin hun an hmang leh dawn.
MCSC hi November 11, 2011 khan Official taka din niin kum 10 tlin lawmnaah hian Civil Hospital, Aizawl-ah mamawhtute tan Thisen an pe dawn a, heng bakah hian Aizawl khawpawna Branch hrang hrangah Blood Donation hi an huaihawt dawn bawk.
Heng bakah hian Burma raltlan pualin vehbur an khawn an hlan dawn bawk a, MCSC memberte tan Banner/Poster Design leh Thomas Tuchel tactic inziahsiakah intihsiakna an buatsaih bawk.
MCSC te hian kum tin mi harsa te pualin thilpek tam tak an lo hlan tawh a, Blood Donation Camp vawi tam tak nei tawhin; Covid boruakah phei chuan hmun hrang hrangah țanpuina an sem nasa hle. Memberte pualin programme hlimawm tak an buatsaih a, Branch hrang hrang neiin midang tana luangchhuak zawngin hun an hmang ber a ni.
https://www.facebook.com/groups/940271116088680/?ref=share
- ✍🏻Tetea Bluessy
Post a Comment
He post chungchanga i ngaihdan lo sawi ve rawh: