Aizawl | November 7, 2021: LPS Fight Night tum hnihna chu November 27 khia Dawrpui Multipurpose Centre, Aizawlah buatsaih a ni dawn a, inbuatsaihna a kal mup mup reng a ni.
Thudawnnain a tarlan danin, he hunah hian professional a luhchilh hnua a vawi khat nan Mizo leilungah NT Lalbiakkima a inlan dawn a, IBA intercontinental title humhim turin Thai boxer Gerttipong Kumsahwat nen an inhmachhawn ang.
LPS Fight Night 2-ah hian Mizo boxer pasarih an inlan dawn a, 'Zo Keite' Biakkima bakah Vanlalawmpuia, Laldingliana, F Zoramchhana, HC Lalramfela, C Lalhruaitluanga leh H Lalrinhlua te an inlan dawn a ni.
MSR-in a tarlan danin, Fight Night Organising Committee chuan hamthatna tam zawk Mizo boxer-te'n an hmuh theih nan ruahmanna an siam tih an sawi a, Mizo mipuiin Mizo inhnek hmuhnawm an tih thin avangin hlawhtling taka kalpui theih ngei an inbeisei a ni.
Post a Comment
He post chungchanga i ngaihdan lo sawi ve rawh: