Delhi Police-a Mizo nula leh tlangvalte chhuanawm



Aizawl | November 5, 2021: Tunhnai khan Delhi Police-a Mizo nula leh tlangvalte chuan chawimawina an dawng.


EXPLORE MIZORAM -in thu a dawn danin, Nula T Zoliansangi chuan a vawi thumna atan October 26 khan CP Delhi Police Commissioner hnen atangin Commendation Roll a dawng a, Tlangval Lalduhawma(Lalmama) pawh Delhi Ministry of Home Affairs buatsaih Badminton Inelna-ah  Single-ah champion niin,   double-ah a thawhpui Malsawmtluanga nen pahnihna an la bawk a ni.


Nula T Zoliansangi D/o Pu T Lalsanglura Khatla  Aizawl hi 2016 khan Delhi police ah lutin, tunah hian Constable hna thawk mekin, kum 5 lai a services tawh a ni.
Nula T Zoliansanghi hian a service chhung hian chawimawina vawi thum a dawng tawh a, a vawi thum dawnna hi CP Delhi Police Commissioner hnen atangin October 26, 2021 khan Commendation Roll a dawng a ni.


Tlangval Lalduhawma(Lalmama) S/o R Lallungmuana Tuikual S Aizawl hi kum 2019 khan Delhi Police ah lutin tunah hian  kum 2 dawn a services tawh.


October 29-31 chhunga Ministry of Home affairs hnuaiah a vawi khat nan Badminton Inelna  Single  leh double buatsaih niin, hetah hian single ah champion in. Tin, Double-ah a thawhpui Tv VL Malsawmtluanga S/o VL Nghaka nena tang dun chuan 2nd Place lawmman an la dun leh nghe nghe a ni.



Mizoram leh Mizo hming timawitute EXPLORE MIZORAM chuan a chhuang tak zet a ni.

Post a Comment

1 Comments

He post chungchanga i ngaihdan lo sawi ve rawh: