Tour de Hmuifang hlawhtling takin buatsaih

Aizawl | October 2, 2021 : Gandhi Jayanti denchhena Tourism Department in Mizoram Cycling Association nen a tangkawp a an buatsaih Tour de Hmuifang Cycling Competition chu tukin zing khan Mualpui Zero Point ah Pu TC Pachhunga, Vice Chairman, Tourism, Sports & ICT Development chuan a Flag Off . 


Tour de Hmuifang ah hian District hrang hrang, Aizawl, Lunglei, Kolasib, Champhai, Serchhip leh Saitual atangin Rider 72 an tel a.Vailiam hmaa thu sawiin Pu TC Pachhunga chuan Tourism Department in Cycling Competition a buatsaih hi COVID19 avanga tourism sector a thih mai loh nan leh Tourism promote nana   buatsaih a ni, a ti .


  Tour de Hmuifang hi Category pahnih, kum 35 hnuai leh kum 35 chunglam category tana siam a ni a. Category I (Below 35 years) result chu hetiang hi a ni. 

1. Mesak Vanlalvena, Sihfa khua, tuna Zemabawk a awm, BSc , PUC atanga zo tawh a nia. Nikuma ama record 2:20 hours chu break-in darkar 2:14 chhungin a thleng. 
2. Malsawmkima kum 20, Chhippir, darkar 2:23 ah a thleng
3. Lalruatfela kum 17, Bawngkawn, darkar 2:25 ah a thleng


Category II (Above 35 years) result chu hetiang hi a ni. 
1. Lallawmsanga, Mission Veng, darkar 2:35 ah a thleng
2. David Rualzakhuma, Saron Veng, darkar 2:42 ah a thleng
3. R Lalhmachhuana, Champhai, darkar 2:47 ah a thleng


Competition ah hian Dr Malsawmkima, kum 52 chu rider zing a upa ber a ni a. Lalramluahpuia Zote kum 12 chu a naupang ber niin, participants hi an vaiin 72 a ni. 


Tourism Minister Pu Robert Romawia Royte chuan Tour de Hmuifang hi kum tin a neih tum a nih tur thu alo puang tawh a ni.

Post a Comment

0 Comments