Thingdawl | October 30, 2021: Mizoram Chief secretary ni lai, October 31-a voluntary pension-a chhuak tur Chief Secretary Lalnunmawia Chuaungo chuan nimin khan Addl. Chief Secretary to the Chief Minister JC Ramthanga hnenah Chief Secretary charge a hlan a, JC Ramthanga hian a hna chelh lai bakah Chief Secretary hna hi a chelh rih dawn a ni.
Lalnunmawia Chuaungo hi nimin khan sawrkar hnathawk intelkhawm FMGE&W leh Mizoram sawrkar hnuai All Secretaries ten a thlahna hun an buatsaih a ni.
Tarlan tawh angin Lalnunmawia hi October 31 khian a hna aṭangin a chawl tawh dawn a, amah thlak tur hian Mizoram sawrkar chuan JC Ramthanga an ruat laiin Ministry of Home Affairs chuan Renu Sharma an ruat ve bawk a ni.
Hetihlai hian Lalnunmawia Chuaungo hi tun thla ni 20 khan Chief Information Commissioner atan ruat thar a nih thu General Administration Dept chuan hriattirna a chhuah a, hun reiloteah CIC thar atan lakluh a nih beisei a ni.
Post a Comment
He post chungchanga i ngaihdan lo sawi ve rawh: