Assam Police-in Mizo tlangval an la chhuah loh vangin MZP-in Kolasib district-ah Lirthei dang; Hnam dang pawnchhuah khap

 Aizawl | October 30, 2021:  Mizo tlangval thlavang hauhin MZP Headquarters Kolasib chuan an huam chhungah lirthei an dang a, hnam dang pawn chhuah an khap bawk.


Zanin dar 7 thlenga MZP Headquarters Kolasib secretary C Lalruatdika hnen aṭanga Explore Mizoram thu dawn danin Tlangval Laldintluanga Ralte chhuah leh chhuah loh chiang takin thu an la dawng lova, kawng dan hi thu an lo chhuah tawh angin an kalpui a, an la chhunzawm zel a ni.

Tlangval Laldintluanga Ralte, 1st IR Battalion Bairabi Police Station-a post chu Masjit (Mosolman Biak In) Zophaia a duty lai Assam Police ten Ramnathpur Police Station-ah hruaithlain tun thleng hian an la rawn chhuah chho leh lo va. Nizan lam  atangin Bairabi Police Station O.C leh a staff te Ramnathpur lamah tun thlengin an la awm mek a, hemi avang hian vawiin khan MZP chuan thuchhuah siamin tlai dar 4 thlenga him taka chhuah a nih loh chuan kawng an dan tur thu an tarlang a. He an thuchhuah bawhzui hian MZP Headquarters Kolasib leh a hnuaia MZP Sub- Headquarters leh branch hrang hrangte chuan an huam chhungah Assam aṭanga lirthei rawn lut leh Assam lam pan tur an dang.

Lirthei dan bangah hian MZP hian vai pawn chhuah an khap bawk.
















Thawnthu hlui:
MZP Sub - Headquarters, Bairabi thuchhuah chuan, "Ramnathpur-a an awm laia hmalak hnan kan duh loh avangin Tv Laldintluanga Ralte hi vawiin tlai Dar 4:00 P.M hmaa an rawn hruai haw thei dawn lo a nih chuan kan O.C leh a Staff te pawh lo haw chho turin kan ngen." tiin an tarlang.


MZP Headquarters, Kolasib pawhin MZP Sub - Headquarters, Bairabi hi an hnuaia sub - headquarters an nih angin an  thlawp a, chutih rual chuan MZP Headquarters, Kolasib hnuaia MZP sub - headquarters leh branch te chu a ṭul anga hma la thei tura lo inring turin an hriattir a ni.






MZP Sub - Headquarters, Bairabi chuan, "Hun tiam chhung vawiin October 30/10/2021 (Inrinni) Dar 4:00 P.M ral hmaa Tv Laldintluanga Ralte hi Assam Police ten an rawn chhuah lo a nih chuan tiam chin awm lovin Bairabi kawng atanga Mizoram-a vai motor lut leh chhuak tur dan a ni dawn a, hei bakah hian hnam dang, vai, Bairabi khawchhungah pawn chhuak lo turin kan inhriattir a ; MZP chuan tiam chin awm lovin Vai Curfew a puang a ni tih lo hre turin khawtlang mipuite kan inhriattir a ni." an ti.



MZP Bairabi thuchhuahin a tarlan danin, "Tv Laldintluanga Ralte hi Masjit (Mosolman Biak In) veng turin Ni 29/10/2021 (Zirtawpni) dar 9:00 A.M a tang khan a duty post hi a luah a, a chhan pawh hriat loh leh duty lai hetia Assam Police-in an man ringawt hi MZP Sub-Hqrs, Bairabi chuan kan hrethiam lo hle a, Mizo min zah lohnaah kan ngai a, Tv Laldintluanga hi Assam Police ten an rawn chhuah hma chu MZP chuan a tul angin hma a la zel dawn a ni."

MZP Sub - Headquarters, Bairabi chuan, "Tv Zodintluanga Ralte, boruak avanga Mizoram Police leh Assam Police ten Joint Duty an neihna hmun pakhatah Mizoram Police te duty ngam lo ni awm ang zia zanga nizan atanga an duty post an luah lum lo pawh hi hriatthiam a har kan ti," an ti a.

"kan sorkar hian a sipai te duty na tur a tihah huaisen taka duty chhunzawm tira khawtlang mipui himna leh thlamuanna min thlen zel turin kan ngen nghal bawk a ni." tiin thuchhuah an siam chuan a tarlang.

MZP chuan, Zophai, (Inner Line Reserve Forest 509 Sq. Miles) huam chhunga Assam Police leh Forest Department te an duh duh hunah lokal a, thing leh maute an rawn vat thlu thin te hi kan sorkar hian bengkhawn a, Mizoram Police te Patrolling a tam thei ang ber neih tir ve thin turin an ngen bawk a ni.


MZP Sub-Hqrs, Bairabi hmalakna turah Bairabi khawtlang mipui a bik takin thalaite tawiawm vek turin a sawm.




*TV LALDINTLUANGA 1st IR BATTALION, ASSAM POLICE TEN AN CHHUAH HMA CHU VAI MOTOR DAN A NIH BAKAH, BAIRABI KHAWCHHUNGAH VAI CURFEW PUAN A NI DAWN.*

 
*MZP SUB-HQRS, BAIRABI EMERGENCY COMMITTEE THUCHHUAK*


```Ni 30/10/2021 (Inrinni)```


1. Tv Laldintluanga Ralte, 1st IR Battalion Bairabi Police Station-a post chu Masjit (Mosolman Biak In) Zophaia a duty lai Assam Police ten Ramnathpur Police Station-ah hruaithlain tun thleng hian an la rawn chhuah chho leh lo va. Nizan lam  atangin Bairabi Police Station O.C leh a staff te Ramnathpur lamah tun thlengin an la awm mek a, Ramnathpur-a an awm laia hmalak hnan kan duh loh avangin Tv Laldintluanga Ralte hi vawiin tlai Dar 4:00 P.M hmaa an rawn hruai haw thei dawn lo a nih chuan kan O.C leh a Staff te pawh lo haw chho turin kan ngen.

*Hun tiam chhung vawiin Ni 30/10/2021 (Inrinni) Dar 4:00 P.M ral hmaa Tv Laldintluanga Ralte hi Assam Police ten an rawn chhuah lo a nih chuan tiam chin awm lovin Bairabi kawng atanga Mizoram-a vai motor lut leh chhuak tur dan a ni dawn a, hei bakah hian hnam dang, vai, Bairabi khawchhungah pawn chhuak lo turin kan inhriattir a ; MZP chuan tiam chin awm lovin Vai Curfew a puang a ni tih lo hre turin khawtlang mipuite kan inhriattir a ni.*

```Tv Laldintluanga Ralte hi Masjit (Mosolman Biak In) veng turin Ni 29/10/2021 (Zirtawpni) dar 9:00 A.M a tang khan a duty post hi a luah a, a chhan pawh hriat loh leh duty lai hetia Assam Police-in an man ringawt hi MZP Sub-Hqrs, Bairabi chuan kan hrethiam lo hle a, Mizo min zah lohnaah kan ngai a, Tv Laldintluanga hi Assam Police ten an rawn chhuah hma chu MZP chuan a tul angin hma a la zel dawn a ni.```


*2. Tv Zodintluanga Ralte, boruak avanga Mizoram Police leh Assam Police ten Joint Duty an neihna hmun pakhatah Mizoram Police te duty ngam lo ni awm ang zia zanga nizan atanga an duty post an luah lum lo pawh hi hriatthiam a har kan ti a, kan sorkar hian a sipai te duty na tur a tihah huaisen taka duty chhunzawm tira khawtlang mipui himna leh thlamuanna min thlen zel turin kan ngen nghal bawk a ni.*
 

*3. Zophai, (Inner Line Reserve Forest 509 Sq. Miles) huam chhunga Assam Police leh Forest Department te an duh duh hunah lokal a, thing leh maute an rawn vat thlu thin te hi kan sorkar hian bengkhawn a, Mizoram Police te Patrolling a tam thei ang ber neih tir ve thin turin kan ngen bawk a ni.*



*MZP Sub-Hqrs, Bairabi hmalakna turah Bairabi khawtlang mipui a bik takin thalaite min tawiawm vek turin kan sawm a che u.*




```Tanrual hi chakna```





*Sd/-*
*(LALRAMZAUVA)*
*Secretary*
*MZP Sub-Hqrs, Bairabi*

Post a Comment

He post chungchanga i ngaihdan lo sawi ve rawh:

Previous Post Next Post